रामेछाप । बुधबार बिहान परेको चट्याङले जिल्ला प्रशासन कार्यालय रामेछापमा क्षति भएको छ । चट्याङले कार्यालयको कम्प्युटर र ईन्टरनेटका उपकरणमा क्षति पुगेको हो । उपकरणमा क्षति पुगेपछि जिल्ला प्रशासनले दिने सेवा बुधबार बिहानैदेखि प्रभावित भएको छ ।
प्रशासन कार्यालयले इन्टरनेट, टेलिफोन, राउटर लगायतका उपकरण मर्मत गरेर सामान्य सेवा बुधबार अपराह्नदेखि संचालनमा ल्याएको छ भने राहदानी सेवा अझै अवरुद्ध छ ।
राहदानी सिफारिस सेवा अर्को व्यवस्था नभएसम्मका लागि बन्द गरिएको सहायक प्रमुख जिल्ला अधिकारी अनोजकुमार घिमिरेले बताएका छन । डिभाईस राहदानी विभागमा पठाएकोले मर्मत भएर आएपछि मात्र सेवा संचालनमा आउने घिमिरेले बताए ।
राष्ट्रिय परिचयपत्रका लागि फोटो खिच्ने क्यामेरा लगायतका उपकरण र सीसी क्यामेरा समेत चट्याङले क्षति घिमिरेले बताए। राष्ट्रिय परिचयपत्र र नागरिकता प्रमाणपत्रको सेवा सुरक्षित रहेका एक सेट उपकरणले संचालनमा रहेको उनले बताए ।
