रस्नालुमा हाजिरिजवाफ

रामेछाप । गोकुलगङ्गा गाउँपालिका–३ रस्नालुमा रामेछाप ग्रामीण स्वास्थ्य तथा शिक्षा सेवा गुठी (RHEST) र गोकुलगङ्गा मावि.रस्नालुको साझेदारीमा हाजिरीजवाफ प्रतियोगिता कार्यक्रम सम्पन्न भएको छ ।
गोकुलगङ्गा गाउँपालिका वडा नं. ३ अन्तर्गतका विद्यालयहरूबिच कक्षा (१–५) र कक्षा (६–८) को हाजिरीजवाफ प्रतियोगिता हिजो (शनिवार) सम्पन्न गरिएको हो ।
कार्यक्रममा गोकुलगङ्गा मा.वि.रस्नालु, भीम आ.वि.भीमसेनस्थान र पूर्ण आवि. बुर्केसहित तीनवटा विद्यालयको सहभागिता रहेको थियो ।
गोकुलगङ्गा मा.वि.ले प्रथम स्थान, भीम आ.वि.ले द्वितीय स्थान र पूर्ण आ.वि.ले तृतीय स्थान हासिल गर्न सफल भएको थियो ।
कार्यक्रममा प्रथम, द्वितीय र तृतीय हासिल गर्ने प्रतियोगीलाई पुरस्कार स्वरूप शैक्षिक सामग्री प्रदान गरिएको छ ।
उक्त कार्यक्रम बालक्लवका अध्यक्ष नवधा सुनुवारको सभापतित्वमा, गोकुलगङ्गा मा.वि.का विव्यस अध्यक्ष हरिबहादुर सुनुवारको प्रमुख आतिथ्ययतामा भएको थियो ।