रामेछाप । मन्थलीमा सम्पन्न छैटौँ मन्थली नगर राष्ट्रपति रनिङ शिल्ड लगातार तेस्रो पटक मन्थली माविले जितेको छ । २२ वटा विद्यालयहरूको सहभागिता रहेको उक्त प्रतियोगिता मन्थली माविले जितेको हो । प्रतियोगितामा भलिबल, कबर्दि, तेक्वान्दो, उसु, र एथलेटिक्स लगायतका खेलहरू खेलाइएको थियो । प्रतियोगितामा तामाकोशी बोर्डिङ स्कुल दोस्रो भएको छ भने कर्कला देवी इङ्लिस बोर्डिङ स्कुलले तृतीय स्थान हासिल गरेको छ ।प्र थम,द्वितीय र तृतीय हुनेहरूलाई क्रमशः नगद २० हजार, १५ हजार र १० हजार सहित शिल्ड, मेडल, ट्रफि र प्रमाणपत्र प्रदान गरिएको छ ।
तर भलिबल तर्फ भने मन्थली मावि र सेतीदेवी मावि सालु बिच भएको अन्तिम खेलमा सालुले मन्थलीलाई हराउन सफल भएको छ । २२ वटा मावि मध्ये १० वटा माविहरूले भलिबल तर्फ भाग लिएका थिए । भलिबलमा भने मन्थली नगर राष्ट्रपति रनिङ शिल्ड जित्न सफल मन्थली माविलाई पछि पार्दै सालुले जितेको हो ।
समापन कार्यक्रममा बागमती प्रदेशका सांसद एवं नेकपा एमाले रामेछापका अध्यक्ष आनन्द कुमार श्रेष्ठ , नगर प्रमुख लव श्रेष्ठ, उपप्रमुख ईश्वरी बस्नेत, वडा अध्यक्षहरू, विद्यालय प्रधानाध्यापकहरू लगायतको उपस्थितिमा पुरस्कार वितरण भएको थियो । प्रतियोगिता नागकन्या मावि र जिल्ला समन्वय समितिको खेल मैदानमा शुक्रवार देखि सुरु भएको थियो ।
मन्थली नगर राष्ट्रपति रनिङ शिल्डमा लगातार मन्थली माविको वर्चस्व
