रामेछाप। जिल्लाको गोकुलगंगा गाउँपालिकाका अध्यक्ष काजीबहादुर खड्काले आफूले पालिकाबाट पाउने सेवा सुविधाको रकमबाट आफ्ना स्वर्गीय बाबुको पूर्णबहादुर खड्काको नाममा अक्षयकोष बनाएका छन् । अध्यक्ष खड्काले सेवा सुविधाबाट आउने रकमबाट २ लाखको अक्षयकोष गोकुलगंगा माध्यमिक विद्यालयमा स्थापना गरे ।
गोकुलगंगा माध्यमिक विद्यालयको स्वर्ण जयन्तीको अवसर पारेर अध्यक्ष खड्काले पूर्णबहादुर खड्का अक्षय कोषको घोषणा गरेका हुन् । उनले घोषणा गरेको कोषकालागी कबोल गरेको रकम समेत चेक मार्फत हस्तान्तरण गरेका छन् । उनले भावी दिनमा यो कोषलाई अझै मजबुत बनाउँदै जाने समेत उद्घोष गरे ।
आफ्ना बुबाले सुरु गरेको विद्यालय भएकै कारणले आफू पढेको विद्यालय भन्दा बढी मायाले आफ्ना स्वर्गीय बुबाको सम्मानका लागी यो अक्षयकोष स्थापना गरेको अध्यक्ष खड्काले बताए । खड्काले भने – मैले गोकुलगंगा गाउँपालिकाको अध्यक्ष भएर हेर्दा पालिका भरिका सबै विद्यालयलाई समान ढंगको व्यवहार गर्न पर्छ । तर पनि गोकुलगंगा माध्यमिक विद्यालयसँग मेरो बुबा जोडिनु भएकोले यस विद्यालयलाई विशेष रूपले हेर्नेछु र व्यक्तिगत सहयोग गर्न कुनै कसर छाड्दिन ।
खड्काले विगतलाई स्मरण गर्दै भने – गोकुलगंगा माध्यमिक विद्यालय सुरुवात हुँदा ३ वर्ष सम्म कुनै सेवा सुविधा नलिई हाम्रो बुबाले शिक्षकका रूपमा सेवा गर्नु भएको सुनाउनु भएको थियो । बुबाले भन्नु भएको कुरा अनुसार गोकुलगंगा मावि ३१ साल अगावै स्थापना भएको हो ।
शिक्षा नै देशको नर्सरी भएको कारणले आफूले निजी तरिकाले होस् या पालिकाको तर्फबाट शिक्षालाई गुणस्तरीय बनाउने विशेष योजनाका साथ अघि बढेको समेत खड्काले बताए ।
पालिकाले दिने सुविधाबाट विद्यालयमा अक्षयकोष
