रामेछाप ।जिल्लाको रामेछाप नगरपालिका वडा नं –५ को ठिङग्रे,चुकिया र स्वाङग्रा गाउँमा आगलागी हुँदा ५ वटा घर गोठ जलेर नष्ट भएको छ । मंगलबार दिउँसो बस्ती नजिकै जंगलमा लागेको आगोले ५ वटा घर गोठ जलेर नष्ट भएको वडाअध्यक्ष हरिशचन्द्र श्रेष्ठले जानकारी दिए ।
आगलागीबाट २ वटा घर र ३ वटा गोठ पूर्ण रुपमा जलेको उनले बताए । आगलागीबाट मानविय क्षति नभएपनि ५ वटा खसी बाख्रा र स्थानियको घर भित्र रहेको अन्नपात,लत्ताकपडा,भाडावर्तन सबै जलेको वडाअध्यक्ष श्रेष्ठले बताए।
डिभिजन वन कार्यालय रामेछापको टिम,प्रहरी,स्थानिय जनप्रतिनिधी,नागरीक आगो नियन्त्रणमा खटिएका छन । आगो भने नियन्त्रण नआएको वडाअध्यक्ष श्रेष्ठले बताए । चुकिया गाउँका ५ घर आगलागीको उच्च जोखिममा रहेको वडाअध्यक्ष श्रेष्ठको भनाई छ ।
रामेछापमा आगलागीका कारण पाँच घर गोठ जल्यो
