काठमाडौं, असोज ७
प्रधानमन्त्री केपी शर्मा ओलीले राष्ट्रकवि माधवप्रसाद घिमिरेलाई जन्मदिनको शुभकामना दिएका छन् ।
राष्ट्रकवि घिमिरे मंगलबारदेखि १०१औं वर्षमा प्रवेश गरेका छन् । प्रधानमन्त्री ओलीले मंगलबार बिहान ट्वीट गर्दै उनलाई सुस्वास्थ्य र दीर्घायुको शुभकामना व्यक्त गरेका हुन् ।
घिमिरेको जन्म १९७६ साल असोज ७ गते लमजुङको पुस्तुन गाउँमा भएको थियो ।
नेपाली साहित्यका अथक साधक घिमिरेका करिब एक दर्जन कृति प्रकाशित छन् । कवि, गीतकार उनी थुप्रै पुरस्कारबाट सम्मानित भइसकेका छन् ।
उनी हाल काठमाडौंको लैनचौरमा बस्दै आएका छन् ।
