शनिबार सम्पन्न भएको प्रतिनिधि सभा, प्रदेश सभा तथा स्थानीय तहका सदस्यको उपनिर्वाचनको मतगणना सम्पन्न भएको निर्वाचन आयोगले जनाएको छ ।
नतिजा अनुसार नेपाल कम्युनिस्ट पार्टी (नेकपा) ३० स्थानमा विजयी भएको निर्वाचन आयोगले जनाएको छ । यसैगरी प्रमुख प्रतिपक्षी दल नेपाली काँग्रेसले १३ स्थानमा जित हासिल गर्दा अन्य पार्टीले ९ स्थानमा विजय हासिल गरेका छन् । नतिजाअनुसार बागलुङ निर्वाचन क्षेत्र नं २ (२) मा नेकपा समर्थित राष्ट्रिय जनमोर्चाका उम्मेदवारले विजय हासिल गरेका छन् । यस्तै प्युठानको ऐरावती गाउँपालिका २ मा स्वतन्त्र उम्मेदवार विजयी भएका छन् ।
यस्तै समाजवादी पार्टीले ४ स्थानमा विजय हासिल गरेको छ भने ३ राजपाले स्थानमा विजय हासिल गरेको छ ।
प्रतिनिधिसभा तर्फ कास्की २ मा नेकपा उम्मेदवार विद्या भट्टराई विजयी हुनुभयो । भने प्रदेश तर्फभने काँग्रेस र नेकपा उम्मेदवारले १–१ स्थान विजय हासिल गरे । यस्तै एक प्रदेशसभामा नेकपा समर्थित जनमार्चा उम्मेदवारले विजय हासिल गरे ।
भक्तपुर निर्वाचन क्षेत्र नं १ (१) मा काँग्रेस, बागलुङनिर्वाचन क्षेत्र नं २ (२) मा जनमोर्चा र दाङनिर्वाचन क्षेत्र नं ३ (२) मा नेकपा उम्मेदवार विजयी भएका हुन् ।
यस्तै धरान उपमहानगरपालिकामा काँग्रेस उम्मेदवार विजयी भए भने गाउँपालिकातर्फ पाँचथरको फाल्गुनन्द, संखुवासभाको मकालु र महोत्तरीको पिपरा गाउँपालिका अध्यक्षमा नेकपाका उम्मेदवार विजयी भए । यस्तै हुम्लाको खार्पुनाथ गाउँपालिकाको उपाध्यक्षमा पनि नेकपा उम्मेदवार विजयी भएको आयोगले जनाएको छ ।
उपनिर्वाचनपछि काँग्रेस
प्रमुख प्रतिपक्षी दल नेपाली काँग्रेसले ०७४ को तुलनामा काँग्रेस र नेकपाका बीचको मतान्तर घटेको निष्कर्ष निकालेको छ । सोमबार उपनिर्वाचनको अन्तिम परिणाम प्राप्त भएलगत्तै काँग्रेसले सो निष्कर्ष निकालेको हो ।
पार्टी प्रवक्ता विश्वप्रकाश शर्माले उपनिर्वाचनमार्फत प्राप्त जनादेशले एकातर्फ काँग्रेसको सांगठनिक आत्मबलमा अभिबृद्धि गराएको र अर्कोतर्फ आगामी निर्वाचनको लक्ष्य हासिल गर्ने दृढतामा अघि बढ्न उपनिर्वाचनको मैदनाको झै ‘बाहिर गति र भित्र आत्मविश्वास बढाउन’ खुल्ला सन्देश पार्टीलाई प्राप्त भएको जनाएका छन् ।
प्रवक्ता शर्माद्वारा जारी विज्ञप्तिमा अनेक प्रतिकूलताका बीच मतदाताले मत प्रदान गरेर काँग्रेसलाई विगतमा भन्दा समग्रमा बढी मत दिएको निष्कर्ष निकालिएको छ ।
