सम्झना श्रेष्ठ, मंसिर २१ सिन्धुली ।
विपि राजमार्गले धेरै भुभाग ओगटेको सिन्धुलीमा पछिल्लो समय मानिस हराउने क्रम बढेको छ । सिन्धुलीमा चालु आर्थिक वर्षको ४ महिनामा ४५ जना हराएका छन् । सबैभन्दा बढि महिला ३९ जना हराएको पाइएको छ । नाँै वटा स्थानिय तह रहेको सिन्धुलीमा सबैभन्दा बढी कमलामाई नगरपालिकाबाट हराएका छन् । यस नगरपालीका बाट १७ जना हराएका छन् । जील्ला सदरमुकाम रहेको र सबैभन्दा सुगम मानिने कमलामाई नगरपालिकाबाट चालु आर्थिक वर्षको ४ महिनाको अवधिमा १७ जना हराएका हुन् । यसैगरी दुधौली नगरपालिकाबाट १२ जना हराएका जिल्ला प्रहरी कार्यालय सिन्धुलीको तथ्यांकले देखाएको छ । यस्तै फिक्कल गाउँपालीकामा २ जना, तीनपाटन गाउँपालीकामा ४ जना, सुनकोसी गाउँपालिकामा ६ जना, गोलन्जोर गाउँपालिकामा २ जना हराएका छन् । यस्तै घ्यांलेख गाउँपालिकामा १ जना तथा मरिण गाउँपालीकामा १ जना गरी जम्मा ४५ जना हराएका छन् । चालु आवको यस अवधिमा सिन्धुलीको हरीहरपुरगढी गाउँपालीकामा भने व्यक्ती हराएको नपाइएको हो । यसरी हराउनेहरुमा सबैभन्दा धेरै महिला रहेको जील्ला प्रहरी सिन्धुलीका प्रहरी उपरिक्षक चक्रबहादुर सिंहले बताउनुभयो । उहाँका अनुसार यस अवधिमा २८ जना महिला हराएका छन् । यसैगरि पुरुष १ जना, बालक ५ जना र बालिका ११ रहेका छन् । यसैगरी जातजातीको आधारमा हेर्दा सबैभन्दा बढि दलितबाट १७ जना हराएका छन् । यस्तै जनजाती र क्षेत्री बाट ११÷११ जना हराएका छन् भने अन्य ६ जना हराएको तथ्यांक छ । यस्तै उमेरको आधारमा हेर्दा १८ वर्ष सम्मका १६ जना, १९ देखी ३० वर्ष उमेर समुहका २३ जना, ३१ देखि ५० वर्ष भित्रका ४ जना र ५१ देखि ७० वर्ष भित्रका २ जना रहेका छन् । यस अवधिमा हराएका ४५ जना मध्ये १६ जना फेला परेका छन् भने अझै २९ जना फेला पर्न बाँकी छन् । जसमा ६ जना महिला फेला परेका छन् भने २२ जना सम्पर्क बाहिरै छन् । यसैगरि यस अवधिमा हराएका १ जना पुरुष अझै भेटिएका छैनन् । हराएका बालक ५ जनामा ४ जना भेटीएका छन् भने बालिका ११ हराएकोमा ६ जना मात्र भेटिएको सिन्धुली प्रहरीको तथ्यांकले देखाएको छ । विभिन्न समयमा गरि गत आर्थिक वर्ष ०७५÷७६ मा १७६ जना हराएकोमा १३९ जनाको बारेमा पत्ता लागेको छ भने बाँकी ३७ जना अझै सम्पर्क बाहिर छन् । व्यक्ति हराउनुको मुख्य कारण घरायसी समस्या, मायाप्रेम, सामाजिक सञ्जाल, आर्थिक अभाव, मापसे लगाएत रहेको पाइएको छ ।
