वीरगञ्ज, बैशाख १२ गते । संघिय सरकारको मातहत रहेको
वीरगञ्जस्थित नारायणी अस्पतालमा अख्तियार दुरुपयोग अनुसन्धान आयोगले छापा
मारेर विभिन्न फाईलहरु नियन्त्रणमा लिएको छ ।
प्रदेश ३ को हेटौडामा
रहेको अख्तियारको प्रादेशिक कार्यालयबाट खटिएको टोलीले बुधवार अस्पतालमा
झण्डै पाँच घण्टा सम्म सोधपुछ गरेको थियो ।
प्रादेशिक कार्यालयका
सूचना अधिकारी देवकुमार राईको नेतृत्वमा आएको टोलीले अस्पतालमा छापा मारेको
हो । औषधि र उपकरणको खरिद, कर्मचारी नियुक्ति लगायत विषयमा अनियमितता भएको
खबर सञ्चार माध्यममा आएपछि अख्तियारको टोलीले छापामारी गरेको बताईएको छ ।
स्रोतहरुका अनुसार अस्पतालको विभिन्न शाखाहरुमा भएको अनियमितताहरुबारे
थुप्रै उजुरीहरु परेका थिए । अस्पतालमा लामो समयदेखि व्यापक आर्थिक
अनियमितता हुँदै आएको आरोप लाग्दै आएको छ ।
अस्पतालमा अख्तियारको छापा
