फागुन , २५ ,
रामेछाप । प्रतिनिधिसभाका सांसद तथा पूर्व गृहराज्य मन्त्रि श्यामकुमार श्रेष्ठले सरकारको प्रगति देख्न नसक्नेले सरकारको आलोचना गरेको आरोप लगाउनुभएको छ । रामेछाप नगरपालिकाको वडा नम्बर २ देउराली स्थित सितलादेवी माध्यमिक विद्यालयको शनिबार ६० औं वार्षीक उत्सको अवसरमा बोल्दै उहाँले यस्तो आरोप लगाउनुभएको हो । सांसद श्रेष्ठले अहिलेको सरकारले चुनावी अभियानका दिनमा गरेका विभिन्न काम पुरा गरेको दाबी गर्दै सरकारको सफलता देख्न नसकेर अफवाह फैलाउँदै आलोचना गरिरहेको जिकिर गर्नुभयो । सांसद श्रेष्ठले सरकारले संघीयताको लक्ष्य अनुरुप काम गरिरहेको समेत दाबी समेत गर्नुभयो । अहिलेको सरकार जनताको सरकार रहेको उहाँको भनाई छ ।
रामेछापलाई सुखि र समृद्ध बनाउने अभियानमा लागि परेको भन्दै दाबी गर्दै ठोसेमा १८ सय मेगावाटको विद्युत उत्पादन गर्ने योजनालाई संघीय सरकारले डिपिआरको लागि आवश्यक प्रक्रिया अघि बढाएको जानकारी दिनुभयो ।
रामेछापमा दर्जन हाइड्रोपावर सञ्चालनमा आइरहेको उल्लेख गर्दै आगामी दिनमा रामेछापका स्थानीयहरु जलविद्युत क्षेत्रको १० प्रतिशत शेयर धनी बन्ने आश्वसन दिनुभयो । उहाँले रामेछापलाई शिक्षा, स्वास्थ्य, सडक, विद्युत लगायतका आवश्य पूर्वधारका विकासहरुको पहुँचमा रामेछापलाई पूर्ण रुपमा पु¥याउने लक्ष्यका साथ काम गरिहेको दाबी गर्नुभयो ।
जिल्लाका विभिन्न सडक यातायात कालोपत्रे गर्ने कामलाई अब तदारुकताका साथ अघि बढाइने उहाँको आश्वसन छ । रामेछाप जिल्लाका सबै शैक्षिक संस्थामा रहेको शिक्षाक दरबन्दि अभावलाई शून्य पार्ने प्रतिबद्धता जनाउनुभयो ।
सोही कार्यक्रममा बोल्दै पूर्व सांसद देव शंखर पौडेलले सबै मिलेर भ्रष्टचार मुक्त समाज, देश निर्माण गर्न लाग्नु पर्नेमा जोड्दिनुभयो । उहाँले अहिलेको सरकारले लिएको राष्ट्रिय नीतिका कारण विकास निर्माणका काम अघि बढेको दाबी गर्नु भयो । उहाँले विगतको नेपाली कांग्रेसको सरकारले शिक्षा विकासको लागि भुमिका खेलेका कारण अहिल शिक्षाको मात्र देशैभरि फैलिएको जिकिर गर्नु भयो । अहिलेको सरकार नीतिग विकास निर्माणमा अघि बढेको उहाँको दाबी छ ।
यसैबीच, बाग्मती प्रदेशका सांसद शान्ति प्रसाद पौडेलले शिक्षकलाई शिक्षाको गुणस्तर बुझेर मात्रै विद्यार्थीको लक्ष्य निर्धाण गर्न आग्रह गर्नु भएको छ । सांसद पौडेलले शिक्षाको गुणस्तर वृद्धि गर्नका लागि सहरकेन्द्रित शिक्षकलाई आवश्यकताका आधारमा गाउँमा ल्याउने अभियानका साथ आफूहरु अघि बढेको पनि बताउनु भएको छ । उहाँले विद्यार्थी र शिक्षकहरु अनुशासित बन्न आग्रह गर्नु भयो ।
कार्यक्रममा पूर्व सांसद तारानारायण श्रेष्ठ, रामेछाप नगरपालिकाका नगर प्रमुख नरबहादुर थापा मगरले आर्थिक समृद्धि भए मुलुक विकासको गतिमा फड्को मार्ने औल्याएका थिए ।
