रामेछापको स्कूल नै बन्यो दाेस्रो ‘रामेछाप महोत्सव’को आकर्षण (फोटो फिचर)

फागनु, २३

रामेछाप । फागुन ६ देखि १७ गतेसम्म रामेछाप मन्थलीमा भएको दोस्रो रामेछाप महोत्सवमा मन्थलीको केब्स स्कूलको शैक्षिकप्रदर्शनी एक मूख्य आकर्षणको केन्द्र बन्यो । चालिस हजार भन्दाबढी व्यक्तिले भ्रमण गरेको उक्त महोत्सवमा सबैजसोले केब्सका विद्यार्थीहरुले बनाएका विभिन्न आकर्षक परियोजनाका कार्यहरुलाई अत्यन्त रुचिपूर्वक हेर्दै स्कूलले गरेको यस कार्यको प्रशंसा गरेका थिए ।

विद्यार्थीले बनाएका सित्खा–खाँडादेवी केबुलकारको नमुना र रामेछापको नक्सा सहितको फोटो खिच्ने फ्रेम उक्तप्रदर्शनीका सबै भन्दा आकर्षणका बस्तुहरु रहेका थिए । स्कूलले रामेछाप महोत्सवको चिनो स्वरुप फोटो फ्रेम बनाएर आगन्तुक सबैलाई निशुल्कफोटो खिच्ने सुविधाउपलब्ध गराएको थियो ।

बाग्मती प्रदेशका अर्थमन्त्री कैलाशप्रसाद ढुङ्गेलले समेत अत्यन्त रुचीपूर्वक उक्त प्रदर्शनीको अवलोकन गर्दै स्कूल परिवारलाई यो अवसर जुटाएको माधन्यवाद दिँदै राजधानीको जस्तो शैक्षिकगुणस्तर दिन रामेछाप सक्षमभएकोे उदाहरण केब्स स्कूलले दिएको र यस प्रकारका प्रयोगात्मक शैक्षिक गतिविधि सञ्चालन गर्न प्रदेश सरकार सहयोगका लागितयार रहेको बताउनुभयो । उक्त प्रदर्शनीमा विद्यार्थीहरुले पठनपाठनका क्रममा नियमित रुपमा तयार गरेका शैक्षिक परियोजना अन्तर्गतका ऐतिहासिक, धार्मिक, पर्यटन, कृषि, वातावरण र आधुनिक विकास सम्बन्धि स्थानिय स्रोत साधनको प्रयोग गरी बनाइएका विभिन्न नमुनाहरुका साथै हस्तकलाका आकर्षक सामग्रीहरु समेत राखेका थिए ।

मनोरञ्जनात्मक खेलको समेत व्यवस्था गरिएको केब्स स्कूलको स्टलमा बिहानदेखि बेलुका सम्मघुइँचो देखिन्थ्यो । शिक्षालाई जीवनसँग जोड्ने र विद्यार्थीहरुको पूर्ण सहभागीतामा गरेर सिक्ने वातावरण केब्स स्कूलले सिर्जना गरिरहेको तथा आगामी दिनहरुमा अझ सशक्त शैक्षिक कार्यक्रमहरु सहित अगाडी बढ्ने योजना रहेको स्कूल प्रिन्सिपल केशव तिमल्सिनाले बताउनु भयो ।

आफ्ना शैक्षिक कार्यक्रमहरु यसरी सार्वजनिक गरेर स्कूलहरुले शैक्षिक अभ्यासहरुलाई नयाँढंगले अगाडी बढाउनु पर्ने सन्देश दिन चाहेको उहाँको भनाई थियो । रामेछाप महोत्सवमा केब्स स्कूलका शिक्षक तथा विद्यार्थीहरुले गायन तथा नृत्यहरु समेत प्रस्तुत गरेका थिए । सो स्कूलले शिक्षा क्षेत्रमा नविनतम प्रयोगहरु गर्दै आफूलाई एउटा अब्बल दर्जाको शैक्षिक संस्थाको रुपमा विकास गर्दै आइरहेको देखिन्छ ।