चैत, २०,
रामेछाप । रामेछापको खाँडादेवी गाउँपालिका वडा नं ६ माकादुमले कोरोनाको संक्रमणबाट जोगिन सचेतनाको साथै मास्क र हात धुने साबुन वितरण गरेको छ ।
सोही वडा अध्यक्ष पुष्कर कार्कीको नेत्वमा ३ वटा टोली बनाई वडाका सबै ५ सय घरधुरीलाई प्रति परिवार ३ वटाका दरले हात धुने सावुन तथा ३ हजार ५ सय माक्स वितरण गरिएको वडा अध्यक्ष कार्कीले जनता भ्वाईसलाई जानकारी दिनुभयो ।
वडा नं २ को चुल्ठेपानी, हिलेचौर र रायगाउँका एक सय घरधुरीमा समेत मास्क र सावुन वितरण गरिएको वडाअध्यक्ष कार्कीले जानकारी दिनुभयो ।
माकदुम युवा एकता समाज, वडा कार्यालयले परिवर्तनशिल युवा क्लव र विष्णु जनज्योती माविको विद्यालय व्यवस्थापन समिति अध्यक्ष तेजबहादुर कार्कीको सहयोग र साझेदारीमा सो कार्यक्रम सञ्चालन गरेको हो ।
यसै बिच वडा अध्यक्षको संयोजकत्वमा १५ सदस्यि वडास्तरीय विपद स्यवस्थापन समिति समेत गठन गरिएको छ । जसमा निर्वाचित वडासदस्यहरु, वडा स्थित राजनीतिक दलका प्रमुख लगायत सदस्य रहेका छन् ।
