चैत,२८,रामेछाप । कुमार श्रेष्ठ/मिलन वि.क.
बारीहरू बाँझो थियो । केहि काम नलाग्ने जस्तो देखिन्थ्यो । कृषि प्रधान देश भनेर नेपाल सरकारले कैयौँ लगानी गर्दा पनि खेति योग्य जमिनमा समेत उत्पादन हुन सकेको थिएन । विश्वको सामु मात्र हामी कृषि प्रधान देशका नागरिक भनेर भन्नुको अर्को विकल्प थिएन । तर अहिले बाँझो बारिहरू जोतिन थालेका छन् । बर्षौ देखि बाली विउ, ठिट्टा , ठिट्टि, हलोको फाली नभेटेका माटोले अहिले सबै भेट्न थालेको छ । खान नपाए गहिरो कोदालो खन्नु भन्ने उक्ति अहिले चरितार्थ हुन थालेको छ । जनता भ्वाईस सँगको कुराकानीमा खाँडादेवी गाउँपालिकाका प्रमुख प्रेम बहादुर तामाङ केहि खुसी मुद्रामा भन्दै हुनुहुन्थ्यो ।
बाँजो खेत बारीमा युवाहरूको जमात खटिरहेको देखेर किसानहरुको यो किसानी उत्साहलाई पालिकाले कदापी कम हुन दिदैन ।
कोरोना भाईरसले विश्वमा आतंक त फैलाएको छ । हामी पनि कोरोना भाईरसको संक्रमणबाट बाच्न र बचाउन लागि परिरहेका छौँ । जनचेतनाका लागि खटिई रहेका छौँ । क्वारेन्टाईन, आइसोलेसन, हेल्थ डेस्क भन्दै दौडिरहेका छौँ । यहि दौडाहमा खेत बारीमा युवा पुस्ता हह तारे हह माले भनेर खटिएको देख्दा समृद्ध पालिकाको सपना देख्छु । कृषीमा लगानी गर्न, व्यवसायमा लगानी गर्न पालिका तयार छ, थियो, हुनेछ । हो, मैले देखेको सुरुवाती सपना यहि हो । पालिका भित्रका युवा पुस्तालाई सँधै पालिका भित्रै देख्न पाईयोस् । देश विदेशमा गर्ने संघर्ष पालिकामै गरुन् ।
खाँडादेवी माता हाम्रो शिरमा हुनुहुन्छ। हामीलाई उहाँको आशिर्वाद छ । हामी सचेतनामा पनि खटिई रहेका छौँ । यहाँको अवस्था सामान्य छ । कोरोना भाईरसको संक्रमण कसैलाई भेटिएको छैन र नभेटियस् पनि । म पालिकाको प्रमुख भएको कारणले पालिका भित्रको स्वास्थ्य सेवामा पुर्ण रूपमा खटिई रहेको छु । सबै देशवासी तथा विश्ववासी यो महामारीबाट छिट्टै बाहिर निस्किन सफल होउन् ।
मैले देखेको समृद्ध पालिकाको सपनामा यी सबै नागरिक साथ त छन् । तर म चाहन्छु पालिकाका सबै पालिकामै रोजगार, स्वरोजगार तथा उद्दमी बनुन ।
किसानहरु विगतमा बाँजो रहेको बारीमा खेती गर्न लागेका छन् । काठमाण्डौं लगाएत बाहिरबाट आएकाहरु लकडाउनमा आफ्नो बाँजो बारी,खेतमा रमाउन थालेका छन्, । घरमा मात्रै बसेर समय खेर फालेका छैनन् । समयको सदुपयोग गर्न लागेका छन् । बाँजो खेत बारीमा युवाहरूको जमात खटिरहेको देखेर किसानहरुको यो किसानी उत्साहलाई पालिकाले कदापी कम हुन दिदैन । त्यसैले त पालिकाको पशु शाखा र कृषि शाखाले कृषक लक्षित कार्यक्रम तयार पारी सकेको छ । यो कार्यक्रम केही दिनमा नै घोषणा गर्ने छौँ ।
सरकारले लकडाउनको घोषण गरेपछि मात्रै करिब १५ सय स्थानियहरू रातारात भित्रीएका छन् ।पालिका चाहन्छ सबै जना यहि व्यस्थ होउन र समृद्ध पालिका बनाउने अभियानमा लागुन । नागरिक यहि समृद्ध बनुन र पालिकालाई समृद्ध बनाउन् । मैले देखेको समृद्ध पालिकाको सपनामा यी सबै नागरिक साथ त छन् । तर म चाहन्छु पालिकाका सबै पालिकामै रोजगार, स्वरोजगार तथा उद्दमी बनुन ।
कोरोना भाईरसको संक्रमणबाट सबै जना पिडित छन् । तर ज्याला मजदुरी गरि खाने पालिकावासीहरू भोकै नबसुन् भनेर राहात वितरण गर्नको लागि नामावाली संकलनको काम गरिरहेको छौँ । छिटो भन्दा छिटो राहत वितरण गर्छौँ । कोरोना भाइरसको संक्रमण नियन्त्रणको लागि पालिकाले उच्च सर्तकता अपनाएको छ ।
