वैशाख ०९,
रामेछाप । रामेछाप जिल्लामा सोमबार गरिएको र्यापिड टेष्ट रिपोर्ट सबै नेगेटिभ आएको छ । जिल्लामा गएको सोमबार सम्म १ सय ४३ जनाको ¥यापिट टेष्ट गरिएको जिल्ला स्वास्थ्य कार्यालय रामेछापले जनाएको छ ।
सोमबार जिल्लाका विभिन्न स्थानमा गरि ३० जनाको परिक्षण गरिएको जिल्ला स्वास्थ्य कार्यालयका प्रमुख जितेन्द्र कर्णले जानकारी दिनुभएको छ ।
जिल्लामा छिमेकी मुलुक भारत र अन्य विभिन्न देशबाट आएका ३९ जनालाई क्वारेन्टाइनमा राखिएको छ । सोमबार जिल्लाको रामेछाप नगरपालिकामा २ जना, मन्थली नगरपालिकामा ११ जना, दोरम्बा गाउँपालिकामा ९ जना, उमाकुण्ड गाउँपाकिलामा ११ जना, खाँडादेवी गाउँपालिकामा ६ जनालाई क्वारेन्टिनमा राखिएको जिल्ला अस्पताल रामेछापले जनाएको छ ।
जिल्लाका तीन वटा पालिकामा एक जना पनि क्वारेन्टाइनमा बसेका छैन्न सबै होम क्वारेन्टाइनमा बसेका छन् ।
कोरोना संक्रमणको सम्भावित जोखिमतालाई ध्यानमा राखी हालसम्म जिल्लाको ८ वटै स्थानीय तहमा ३ सय ३१ शैया क्वारेन्टाइन र ६१ शैया आइसोलेसन कक्ष स्थापना गरिएको छ ।
मन्थली नगरपालिकामा २२, रामेछाप नगरपालिकामा ७ , दोरम्बा गाउँपालिकामा ७, सुनापति गाउँपालिकामा ६, खाँडादेवी गाउँपालिकामा ११, गोकुलगंगा गाउँपालिकामा ५ र लिखुतामाकोशी गाउँपालिकामा ३ शैयाको आइसोलेसन कक्ष स्थापना गरिएको कर्णले जानकारी दिनुभयो ।
त्यसैगरी मन्थली नगरपालिकामा ३६, रामेछाप नगरपालिकामा ७०, दोरम्बा गाउँपालिकामा १६, खाँडादेवी गाउँपालिकामा ४७, गोकुलगंगा गाउँपालिकामा ३४, उमाकुण्ड गाउँपालिकामा ५३, लिखुतामाकोशी गाउँपालिकामा ४९ र सुनापति गाउँपालिकामा २६ शैयाको क्वारेन्टाइन स्थापना गरिएको कर्णले जानकारी दिनुभयो ।
यसैबिच कर्णले रामेछापमा कोरोनाको आशंका गरिएको युवकको स्वाब परिक्षण रिपोर्ट पनि नेगेटिभ आएको जानकारी दिनुभएको छ । उच्च ज्वरो आई रामेछाप अस्पतालमा पुगेका मन्थली नगरपालिका १ का एक युवकको कोरोनासंग मिल्दो जुल्दो लक्षण देखिएपछि उनको स्वाब परिक्षणका लागि गएको शनिबार धुलिखेल अस्पताल पठाइएको थियो । उनको स्वाब रिपोर्ट नेगेटिभ आएको जनता भ्वाईसलाई जानकारी दिनुभयो ।
