बैशाख १८,
काठमाण्डौ । बलिवुड अभिनेता ऋषि कपूरको ६७ वर्षको उमेरमा निधन भएको छ ।
घटनाको बारेमा ऋषिका दाइ रणधीर कपूरले जानकारी दिएका हुन् । ६७ वर्षीय ऋषि कपूरलाई बुधबार बिहान अस्पतालमा भर्ना गरिएकाे थियो ।
रणधीर कपूरले समाचार एजेन्सी पीटीआईसँग भने, ‘अहिले उनी अस्पतालमा छन् । उनलाई क्यान्सर छ र श्वासप्रश्वाससम्बन्धी समस्या रहेको थियो ।
अमेरिका झण्डै एक वर्षसम्म क्यान्सरकाे उपचार गरेपछि ऋषि कपूर गएकाे वर्षकाे सेप्टेम्बरमा भारत फर्किएका थिए । यही वर्षकाे फेब्रुअरीमा स्वास्थ्य बिग्रिएपछि उनलाई दुई पटक अस्पताल भर्ना गरिएकाे थियाे ।
क्यान्सरबाट पीडित उनलाई श्वासप्रश्वासको समस्या देखिएको थियो ।
