बैशाख १८,
काठमाडौं : स्वास्थ्य तथा जनसंख्या मन्त्रालयले कोरोनाभाइरस (कोभिड १९) को परीक्षणको लागि अहिले प्रयोग गरिरहेको र्यापिड डाइग्नोस्टिक किट थप किन्न सम्झौता गरेको छ।
बुधबार मात्रै स्वास्थ्य मन्त्रालय अन्तर्गतको स्वास्थ्य सेवा विभागले १ लाख थान बराबरको नयाँ र्यापिड डाइग्नेस्टिक किट खरिदका लागि विद म्यानेजमेन्ट कम्पनीसँग सम्झौता गरेको हो। अब ल्याउन लागिएको नयाँ आउने किटले आइजिएम र आइजिजी दुवै पत्ता लगाउने बताइएको छ।
यसअघि मन्त्रालयले कोरोना भाइरसको परीक्षणको दायरा बढाउन सात करोड बराबरको ७५ हजार थान र्यापिड किट ल्याएको थियो। तर उक्त किटबाट गरिएको परिक्षणमा आइजिएम र आइजिजी छुट्याउन नसक्दा किटको विश्वसन यतामाथि प्रश्न उठिरहेको थियो।
हिजो मात्रै गरिएको कम्पनीले १५ १५ दिनसम्ममा नयाँ र्यापिड डाइग्नोस्टिक किट ल्याउने सम्झौता गरेको छ। स्रोतले भन्यो, ‘१५ दिनभित्रमा सामान ल्याउने गरी सम्झौता भएको छ।‘ अहिले ल्याबमा गरिने पीसीआर परीक्षणका लागि आवश्यक रिएजेन्ट देशभर अभाव भएको छ। कोरोना भाइरसका संक्रमितको संख्या बढ्दै गएपछि सरकारले र्यापिड परीक्षणलाई सरकारले मुख्य प्राथामिकता दिइरहेको छ।
यसअघि ओम्नी बिजनेस कर्पोरेट इन्टरनेसनलले ल्याएको र्यापिड डाइग्नोस्टिक किटबाटै काम चलाउन दाताहरुलाई भनिएको छ। देशका १५ ठाउँमा अहिले पिसिआर परीक्षण भइरहेको छ। कोरोना भाइरसका संक्रमितको संख्या बढ्दै गएपछि सरकारले र्यापिड परीक्षणलाई मुख्य प्राथामिकता दिइरहेको छ।
देशका १५ ठाउमा अहिले पिसिआर परीक्षण पनि भइरहेको छ। तर सोचेजति परीक्षण हुन नसकेको भन्दै आलोचना पनि भइरहेको छ।
