जेठ ५,
काठमाडौं । अमेरिकन आइडलको टप ५ मा प्रवेश गरेका नेपाली युवक दिवेश पोखरेल टप ५ को घोषणासँगै उपाधिका लागि भोटिङ खुल्ला भएको छ ।
दिवेशले अब उपाधिका लागि फाइनल राउन्डको प्रतिस्पर्धा गर्नेछन् । फाइनल राउण्ड पनि सुरु भइसकेको छ । यसमा प्रत्येक प्रतियोगीले दुई–दुई वटा प्रस्तुति दिने छन् । साथै दुई घण्टासम्म भोटिङ खुल्ला राखिने छ । सबैभन्दा बढी भोट ल्याउने अमेरिकन आइडल घोषणा हुने छ ।
कोभिड–१९ को महामारीका कारण अमेरिकन आइडलको फाइनलमा सबैले आ–आफ्नो घरबाटै प्रस्तुति दिइरहेका छन् ।
