असार २३, जनता भ्वाइस संवादाता, रामेछाप
गाउँ कार्यपालिकाको आन्तरिक विवादको कारण आफ्नो वडाको कार्यप्रगति सुस्त भएको लिखु तामाकोसी गाउँपालिका वडा नं. २ सैपुका वडाध्यक्ष पदमबहादुर तामाङले बताएका छन् । गाउँ कार्यपालिकामा आएको आन्तरिक विवादका कारण बजेटको तर्जुमा गर्न नसकेको कारण आफ्ना वडाका विकासे कामहरुमा समस्या भएको बताएका हुन् ।
‘गाउँ कार्यपालिकामा यत्तिको विवाद हुँदा समेत तपाईं जस्ता युवा पंक्तिले किन सहजिकरण गर्न सक्नु भएन ?’ भन्ने जनता भ्वाईसले राखेको जिज्ञासामा वडाध्यक्ष तामाङ भन्छन्, ‘पूर्व नेकपा एमालेबाट निर्वाचित जनप्रतिनिधिहरुको व्यक्तिगत इगोको कारण पनि हुनसक्छ या त लिखुतामाकोसी गाउँपालिकालाई पछाडि धकेल्ने मनासाय समेतको कारणले हुनसक्छ, यस्तो अकल्पनीय कार्य हाम्रो गाउँपालिकामा भएको छ । हामी युवा जनशक्तिहरुले यो विवादलाई समाधान गर्ने अवस्था नै नभएको होइन ।
यहाँ यो मुद्धालाई अदालती प्रक्रियामा लगिएको कारणले पनि हामी र हाम्रो स्तरबाट कुनैपनि काम गर्न मिल्ने अवस्था नै थिएन । यो विवादको कारकको रुपमा को दोषी हो या को होइन भन्ने समग्रमा अध्यक्ष र उपाध्यक्ष दुई जनाको मतान्तर भएको भने पक्कै हो ।’
एक अर्को प्रसंगको क्रममा तामाङले आफ्नो गाउँपालिकाको कार्यविधि नबनेको कारणले आफूले आफ्नो वडामा खासै केही गर्न नसकेको गुनासो तामाङको रहेको छ । कोरोना भाइरस कोभिड १९ को कारण विदेशमा सीप र अनुभव लिएर आएका युवाहरुलाई गाउँमा नै रोक्न र उताको सीप र अनुभवलाई आफ्नै माटोमा प्रयोग गर्न ठोस रणनीति बनाउन नपाएको उनको धारणा रहेको छ । ‘मैले पहिलो आर्थिक वर्षमा बनाएको घुम्ती कोषको व्यवस्था कार्यविधि बिना अधुरो रह्यो ।’ उनले भने ।
चालु आर्थिक वर्षमा थालेका विकास निर्माणका कामहरु ६० प्रतिशत भन्दा बढी कार्यान्वयनको चरणमा गएको तामाङको भनाई रहेको छ । सडकमा ग्याबिन जाली राख्ने र सोलिङ गर्ने कार्यका लागि कोभिड १९ का कारण गाउँ फर्किएका युवाहरुलाई परिचालन गरेर काम अघि बढाइएको उनको भनाई रहेको छ ।
बाँकी भिडियोमा…
