जेठ २,
काठमाडौं । विश्वभर ४४ लाख ३७ हजार ४ सय ४२ जनामा कोरोना संक्रमण पुष्टि भएको छ। त्यस्तै विश्वभर कोरोना संक्रमणपछि मृत्यु हुनेको संख्या ३ लाख नाघेको छ । विश्वभर १५ लाख ८५ हजार २ सय ८६ जना संक्रमणमुक्त भइसकेका छन्।
जोन हप्किन्स विश्वविद्यालयले प्रकाशित गरेको आज बिहानसम्मको तथ्यांक अनुसार मृत्यु हुनेको संख्या ३ लाख २ हजार २५ छ । मृत्यु हुनेहरुको देशमा अमेरिकामा सबैभन्दा माथि छ । त्यहाँ ८५ लाख ८ सय १३ को मृत्यु भइसकेको छ ।
त्यस्तै, बेलायतमा ३३ हजार ६ सय ९३, इटालीमा ३१ हजार ३ सय ६८, फ्रान्समा २७ हजार ४ सय २८ को मृत्यु भइसकेको छ। त्यहाँ १४ लाख १६ हजार ५ सय २८ जनामा संक्रमण पुष्टि भएको छ। त्यस्तै, रुसमा २ लाख ५२ हजार २ सय ४५, बेलायतमा २ लाख ३४ हजार ४ सय ३९, स्पेनमा २ लाख २९ हजार ५ सय ४०, इटालीमा २ लाख २३ हजार ९६ जनामा संक्रमण पुष्टि भएको छ ।
संक्रमणमुक्त हुनेको संख्या पनि अमेरिकामा नै सर्वाधिक छ। त्यहाँ २लाख ४६ हजार ४ सय १४ जना संक्रमणमुक्त भइसकेका छन्।
जर्मनीमा १ लाख ५० हजार ३ सय, स्पेनमा १ लाख ४३ हजार ३ सय ७४, इटालीमा १ लाख १५ हजार २ सय ८८ जना संक्रमणमुक्त भएका छन्।
नेपालमा भने २ सय ४९ जनामा संक्रमण पुष्टि भएको छ। तीमध्ये ३५ जना संक्रमणमुक्त भएका छन्।
