जेठ १०,
काठमाडौं । कोरोनाका कारण विश्वभर अहिलेसम्म ५२ लाख नौ हजार २ सय ६६ जनामा कोरोना संक्रमण पुष्टि भएको छ । संक्रमितमध्ये ज्यान गुमाउनेको संख्या ३ लाख ३८ हजार १ सय २१ पुगेको छ।
छिमेकी मुलुक भारतमा बितेका २४ घण्टामा मात्रै ६ हजारभन्दा धेरै संक्रमित भेटिएका छन्। यससँगै भारतमा कोरोनाका कूल संक्रमितको संख्या १ लाख २४ हजार ७ सय ९४ पुगेको छ। जोन होप्किन्स विश्वविद्यालयका अनुसार त्यहाँ अहिलेसम्म तीन हजार ७ सय २६ जनाको मृत्यु भएको छ।
अन्य मुलुकको तुलनामा अमेरिकाले सबैभन्दा धेरे मानवीय क्षति ब्यहोरेको छ। त्यहाँ १६ लाख ७ सय २३ जना संक्रमित भेटिएकामा ९५ हजार ९ सय ७२ जनाको मृत्यु भएको छ।
रुसलाई उछिन्दै ब्राजिल धेरै संक्रमित भएको दोस्रो मुलुक बनेको छ। त्यहाँ तीन लाख ३० हजार ८ सय ९० जना संक्रमित भेटिएका छन्। संक्रमितमध्ये २१ हजार ४८ जनाको मृत्यु भएको छ।
रुसमा ३ लाख २६ हजार ४ सय ४८ जना संक्रमित भेटिएका छन्। त्यहाँ भेटिएका संक्रमितमध्ये ३ हजार २३९ जनाको ज्यान गएको छ। नेपालमा अहिलेसम्म ५ सय १६ जना संक्रमित भेटिएका छन् भने तीनजनाको ज्यान गएको छ।ऐजिन्सी
