जेट १०, अप्रिल अधिकारी
रामेछाप । कोरोना भाइरस(कोभिड–१९) को संक्रमणबाट जोगिन केही मदत पुगोस भन्दै जिल्ला ट्राफिक प्रहरी कार्यालय रामेछापमा कार्यरत ट्राफिक प्रहरीलाई पिपिइ प्रदान गरिएको छ ।
त्रिवेणी दर्शन यातायात प्रालिका अध्यक्ष सुदिप थापा र मन्थली नगरपालिका वडा नं ३ का तरुणदल सभापति प्रदिप रोकाले ट्राफिक प्रहरीलाई ५ थान पिपिइ, मास्क, चस्मा लगायतका सुरक्षा सामग्री प्रदान गरेका हुन ।
उक्त सामग्री नेपाल ट्रेड युनियन कांग्रेस रामेछापका सभापति पुर्ण सुवेदीले जिल्ला ट्राफिक प्रहरी कार्यालय रामेछापका प्रमुख रामेश्वर पाण्डेलाई हस्ताण्तरण गरेका थिए । संक्रमण जोखिमा रहेर पनि जिल्लाको यातायत जस्तौ क्षेत्रमा काम गर्नु पर्ने ट्राफिक प्रहरीहरुको सुरक्षालाई मध्यनजर गरेर सामग्री प्रदान गरिएको प्रदिप रोकाले बताए ।
रामेछाप जस्तो जिल्लामा बसेर काम गरिरहेका ट्राफिक पहरीलाई सुरक्षाका लागि पिपिइ सेट लगायतका सामग्री उपलब्ध गराएकोमा खुशी लागेको जिल्ला ट्राफिक प्रहरी कार्यालय रामेछापका प्रमुख रामेश्वर पाण्डेले बताए । उनले अब भने केही सुरक्षित महशुस गरेर ड्युटीमा खटिन केही सहज हुने बताए । फोटो युवराज श्रेष्ठ
