जेठ १०, जनता भ्वाइस संवाददाता, रामेछाप ।
सरकारले केहीदिन अघि नेपालको नयाँ आकारको नक्सा सार्वजनिक गरेपछि राष्ट्रिय तथा अन्तर्राष्ट्रिय रुपमा यस साहसपूर्ण कार्यको विभिन्न टिका टिप्पणी भइरहेका छन् ।
विशेषगरी भारतीय समाचार माध्यमहरुले यसलाई चीनसँग मिलेर भारतसँग गरेको बेइमानी भनेका छन् भने स्वयं भारतको विदेश मामला हेर्ने विभागले त्यसलाई मान्न नसकिन प्रतिक्रिया दिइसकेको छ । यसै क्रममा जनता भ्वाइसले नेपाल सरकारको यस साहसपूर्ण कदमलाई कसरी लिइरहेको छ ? भन्ने सवालमा प्रदेश नं. ३ का आर्थिक मामिला तथा योजना मन्त्री कैलाश ढुङ्गेलसँग प्रतिक्रिया लिएको थियो । उनले नेपाल सरकार, विशेषगरी ओली नेतृत्वको सरकारले वास्तवमै साहसपूर्ण र राम्रो काम गरेको प्रतिक्रिया दिएका छन् ।
जनता भ्वाइससँग भएको कुराकानीका क्रममा मन्त्री ढुङ्गेलले भने, ‘हामीले हाम्रो भूमि फिर्त लिएका छौं । केही समयका लागि कसैलाई आफ्नो भूमिमा बास दिँदैमा भोलि त्यो घर नै उसले हडप्न खोजेर हुँदैन । भारतले मिचाहा सोचलाई त्यागेर नेपाल सरकारको निर्णयलाई मान्नु पर्छ ।’
कुराकानीकै क्रममा मन्त्री ढुङ्गेलले भने, ‘हामीले सिमानामा कुनै अर्गेलो गरेका छैनौ । आज यस कुरालाई भारत सरकारले मान्दैन भने हामी संयुक्त राष्टसँघ तथा अन्य विश्व समुदायका माझमा पुग्छौं ।’
जनता भ्वाइसले कुराकानीको आरम्भमा मन्त्री ढुङ्गेललाई सोधेको थियो, ‘नक्सामा मात्रै नेपालको भूमि बढेको छ । अब व्यवहारतः भारत सरकारको नियन्त्रणबाट अतिक्रमित भूमि फिर्ता ल्याउन नेपाल सरकारले कस्तो पहल गर्नु पर्ला ?’
थप प्रतिक्रिया तलको कुराकानीमा …
