जेठ ११,
रामेछाप । रामेछापको सदरमुकाम मल्थलीका तरकारी पसलेहरुले विरोध स्वरुप तरकारी पसल अनिश्तिच कालका लागि बन्द गर्ने बताएका छन् । जिल्लमा बिहान ४ घण्टा ६ बजेदेखि ९ बजेसम्म पसल संचालन हुँदै आएको थियो ।
आइतबार उनीहरुले समुहिक रुपमा ३ बुँदे माग सहित् पसल बन्द गरेका हुन् । यस विषयमा जानकारी दिँदै रामेछाप उद्योग वाणिज्य संघका महासचिव नवराज ढुङ्गेलले जनता भ्वाइससँग भने, ‘हामीले तरकारी व्यवसायीहरुलाई हतारमा त्यस्तो निर्णय नलिनुस्र, दैनिक उपभोग्य सामग्रीहरुको अभाव दिनु हुँदैन ।
तपाईंहरुको माग अनुसार प्रमुख जिल्ला अधिकारीलाई यस विषयमा जानकारी गराइने छ । अहिलेलाई यो कार्यक्रमलाई स्थगन गर्नुहोस् ।’ रामेछाप उद्योग वाणिज्य संघले यस्तो सुझाव दिएपछि व्यवसायीहरु फर्किएको ढुङ्गेलले बताएका छन् । उनीहरुले प्रत्येक तरकारी पसलका एक जनाको आरडिटी जाँच गरि दिन माग गरेका छन् ।
त्यस्तै बन्दाबन्दीको मौका छोपी फेन्सी तथा खाद्यान्न पसलहरुले पनि तरकारीको व्यापार गरेको र स्थानीय कृषकहरुले पनि फुटपाथको व्यापार सुरु गरेका कारण आफूहरुको व्यवसाय धरापमा परेको र त्यसलाई तत्काल रोक्न उनीहरुले माग गरेका हुन् ।
उनीहरुले रातारात मानिसहरु भारत लगायतका देशबाट आइरहेको बताउँदै सो कार्यले कोरोनाको जोखिम बढेको पनि बताएका छन् । मन्थलीमा संचालित तरकारी पसल सञ्चालकहरुले यहाँस्थित रमेश किराना पसलले खाद्यान्न पसलमा तरकारी खुलेआम रुपमा बिक्री गर्दा पनि नियमनकारी निकाय भने मौन बसेको गुनासो गरेका छन् । JV फोटो/फाइल
