आज थप ३४ जनामा कोरोना पुष्टिः ७ सय नाघ्यो संक्रमितको संख्या

जेठ १३,

सुर्खेत । नेपालमा कोरोना संक्रमित फेरी थपिएका छन् । मंगलबार कर्णाली प्रदेशको राजधानी सुर्खेतमा १२ जनामा कोरोना सङ्क्रमण पुष्टि भएको हो । पुष्टि भएका १२ जना वीरेन्द्रनगर तथा भेरी नगरपालिका र सिम्ता गाउँपालिकाको रहेको कर्णाली प्रदेश सामाजिक विकास मन्त्रालयका स्वास्थ्य सेवा महाशाखाका प्रमुख डा लक्ष्मीनाराण तिवारीले जानकारी दिए । सङ्क्रमितहरुमा वीरेन्द्रनगर नगरपालिका–१, ३ र ६ वडाका सात पुरुष र एक महिला, भेरीगङ्गा नगरपालिका दुई पुरुष र सिम्ता गाउँपालिका–४ का सुर्खेतका दुई पुरुष रहेको उनले बताए ।

उनीहरु सबै भारतबाट आएकाहरु रहेको बताएको छ । १२ जना सुर्खेतमै थपिएसँगै अब कर्णालीमा कोरोना सङ्क्रमितको सङ्ख्या २३ पुगेको स्वास्थ्य सेवा महाशाखा सुर्खेतले जनाएको छ ।

यता रौतहटमा थप २२ जनामा कोरोना सक्रमण पुष्टि भएको छ । मंगलबार मध्यान्न जिल्ला प्रशासन कार्यालयले दिएको जानकारी अनुसार गौर नपाका ७ जना, राजदेवीका १ जना, देवाहिगोनाहीका ३  र ११ जनामा कोरोना पुष्टि भएको छ । आज मात्रै ३४ जनामा कोरोना संक्रमण पुष्टि भएको हो ।

संकेमितमा तीनजना बालबालिकासमेत रहेका रौतहटका सिडिओ बासुदेव घिमिरेले जानकारी दिए  । रौतहटमा यसअघि ४८ जनामा संक्रमण देखिएको थियो । उनीहरुमध्ये ३ जना निको भएर घर फर्किएका छन् ।

उता कर्णाली प्रदेश अस्पतालका निर्देशक डा डम्बर खड्काले पछिल्लो समय कर्णालीको अवस्था भवावह बन्दै गएको र समयमै बोर्डरमा क्वारेन्टाइनको जिम्मा नेपाली सेनालाई जिम्मा दिन नेपाल सरकारलाई आग्रह गरेका छन् ।

त्यहाँ पछिल्लो समय भारतबाट भित्रिएका व्यक्तिमा सङ्क्रमण देखिएको हो । आज थपिएका कोरोना संक्रमितको स्वास्थ्य तथा जनसंख्या मन्त्रालयले भने आधिकारीक जानकारी गराएको छैन् । file photo