जेठ १४
रामेछाप । रामेछाप जिल्लाबाट थप परीक्षणका लागि काठमाडौं पठाएको ६ जनाको पीसिआर रिपोर्ट नेगेटिभ आएको छ । जिल्ला अस्पताल रामेछापबाट गएको बिहिबार स्वस्थ्यकर्मी र कर्मचारीसहित १२ जनाको आरडिटी परीक्षणमा पोजेटिभ आएकाहरुको थप परिक्षणको लागि पठाएकोमा ६ जनाकोर रिपोर्ट नेगेटिभ आएको जिल्ला अस्पताल रामेछापका प्रमुख जितेन्द्र कर्णले जानकारी दिए ।
उनका अनुसार ४ जना पुरुष र २ जना महिलाको रिपोर्ट नेगेटिभ आएको हो । बाँकी ६ जनाको रिपोर्ट पनि केहि दिनमा आउने बताए । उनका भने- हालसम्म याँहाबाट पठाएका ४१ वटा रिपोर्टसबै नेगेटिभ आएका छन् । ६ वटा आउन बाँकी छ । यो रिपोर्ट ७ दिनको दिन आएको हो ।
हालसम्म केही अघि क्वारेन्टिनमा बस्नेहरुको संख्या भारत लगाएतका मुलुकबाट आउनेहरुको संख्या बढेकाले बढेको भने । हामी उहाँहरुको ब्यवस्थापनमा लागेका छौं । हाल जिल्लाभरीका क्वारेन्टिनमा गरि १ सय १३ जना बसेका छन् । उनीहरु सबैको अवस्था सामान्य छ । file Photo
