जेठ १४,
काठमाडौं । नायिका रिमा विश्वकर्माले जातिय विभेद कोरोना भाइरस भन्दा पनि खत्रा भाइरस भएको बताएकी छन् । जातको कारण मान्छे मार्नेकाम अमानवीय अपराध भएको बताएकी छन् । आफ्नो फिस्बुक पेजमा स्टाटस पोष्ट गर्दै रिमाले कुटपिट गरेर जातकै कारण मान्छे मार्नु भनेको जातिय घटना नभै अमानवीय अपराध भनेकी छन् ।
उनले प्रेम सम्बन्ध र विवाह प्रयासपछि जाजरकोटका नवराज वि.क र उनका दुई साथीहरुको हत्या भएपछि हत्यारालाई कारबाहीको माग गर्दै यस्तो लेखेकी हुन् ।
रिमाले लेखेलेकी छन्-कोरोना भाइरस त लाग्छ लाग्दैन थाहा छैन तर विभेदको भाइरसले सदियौदेखी समाजलाई बिरामी भने पक्कै बनाएको छ’ । २१ औं शताब्दीमा पनि सामाजिक विभेदका कारण कसैलाई कुटपिट गरेर मार्नु जातिय घटना होइन अमानवीय अपराध हो । ‘माहामारीको रूपमा फैलिएको अन्धविश्वास र कुरीतिको समयमै कानुनी उपचार गर्न अत्यन्त आवश्यक छ, हैन भने अझ घेरै निर्दोष नवराज विश्वकर्माहरूले अकालमै ज्यान गुमाउने छन् ।’‘सबै सचेत नागरिक मिली सम्बन्धित निकायलाई घटनाको निश्पक्ष छानबिन गरि दोषीमाथी कडा भन्दा कडा कारबाही गर्न हार्दिक अपिल गरौ ।
