जेठ १४,
रामेछाप । रामेछापको खाँडादेवी गाउँपालिका वडा नं ३ भिरपानीले स्वयंसेविका प्रोत्साहान् भत्ता वितरण गरेको छ । बुधबार वडा कार्यालय मार्फत १६ जना महिला स्वयंसेविकाहरुलाइ ६ हजार २ सय ५० का दरले सो रकम हस्तान्तरण गरेको वडा अध्यक्ष पुष्कर कुमार कार्कीले जनता भ्वाइसलाइ जानकारी दिए ।
उनका अनुसार वर्षभरी खटेर काम गर्न अझ हौसला प्राप्त होस् भनि सो रकम दिएको हो । आर्थिक वर्ष २०६७/७७ को वार्षिक बजेटबाटै १ लाख रुपैयाँ महिला स्वयंसेविका प्रोत्साहान् भत्तामा छुट्टयर रकम दिएको हो ।
राम्रो कामको अनुभुती भएमा आगामी दिनमा सो रकम बढाउन सकिने वडा अध्यक्ष कार्कीले बताए । उनका अनुसार हाल वडामा कोरोना संक्रमणको कुनै समस्या रहेको छैन । वडामा बाहिरबाट पनि मानिसहरु प्रवेश गर्न दिएको छैन । भने वडाबाट पनि बाहिर जान रोक लगाइएको छ । फोटो वडा अध्यक्षको फेस्बुकबाट
