जेठ १५,
रामेछाप । नेपालमा कोरोना संक्रमितको संख्या १ हजार नाघेको छ । आज थप १ सय ५६ जनामा कोरोना संक्रमण पुष्टि भएसँगै संक्रमितको संख्या १ हजार ४२ पुगेको स्वास्थ्य मन्त्रलयका प्रवक्ता डा विकास देवकोटाले जानकारी दिए ।
नयाँ संक्रमण पुष्टि हुनेहरुमा दैलेखका ८, कैलालीका २, दार्चुलाका १, स्याङ्जाका ३, नवलपुरका १, धनुषाका २९, महोत्तरीका १७, सप्तरीका १४, मकवानपुरका एक, बर्दियाका तीन, बाँकेका एक, झापाका २५, सर्लाहीका सात, सिरहाका छ, रौतहटका २०, दोलखाका दुई, सोलुखुम्बुका एक, बझाङका एक र सुर्खेतका १३ जना छन् ।
योसँगै नेपालका ५१ जिल्लामा कोरोना संक्रमण फैलिएको छ ।
कुल संक्रमित मध्ये ९ सय ४० जना पुरुष र १ सय २ जना महिला छन् । हालसम्मा नेपालमा कोरोना संक्रमणलाइ जितेर १ सय ८३ जना घर फर्केका छन् । भने ५ जनाको मृत्यु भएको छ ।
