जेठ १६ , प्रवीण मुनाल
ओखलढुंगा । गणतन्त्र दिवसका अवसरमा ओखलढुंगाका एक जना कैदीबन्दी रिहा भएका छन् । सरकारले विभिन्न प्रकृतिका कैदी बन्दीको सजाय मिनाहा गर्ने निर्णय गरेसँगै ओखलढुंगामा पनि एक जना कैदीबन्दी रिहा भएका हुन् ।
जिल्ला कारागार ओखलढुंगाबाट आज रिहा हुनेमा कर्तव्य ज्यान मुद्धामा कैद भुक्तान गरिरहेका जिल्लाको लिखु गाँउपालिका ९ पोकली लेतिका सन्तोष भुजेल रहेको जिल्ला कारारगार ओखलढुंगाका जेलर चुणामणी अर्यालले जानकारी दिनु भएको छ ।
साबिक पोकली २ लेतिका वृद्धा अम्बिका प्रसाद घिमिरेको हत्या गरेको अभियोगमा २०६९ साल कार्तिक १३ गते देखि कर्तव्य ज्यान मुद्धामा जेल जीवन बिताइरहेका भुजेललाई आज कैद मिनाहा भएको हो ।
५० प्रतिशत भन्दा बढि कैद भुक्तान गरिसकेका उनी दिवसको अवसरमा जेलमुक्त भएका हुन । गणतन्त्र दिवस सहित फागुन ७ गतेको प्रजातन्त्र दिवस र असोज ३ गते संविधान दिवसको अवसर पारेर पनि कैदीबन्दीको सजाय मिनाहा गरिँदै आएको छ ।
