जेठ १७,
काठमाडौं । नेपाल कम्युनिस्ट पार्टी (नेकपा)ले सचिवालय बैठक आज (शनिबार) बिहान बस्ने भएको छ । शुक्रबार प्रधानमन्त्री केपी शर्मा ओली र नेकपाका अध्यक्ष पुष्पकमल दाहालबीच बालुवाटारमा भेटर्वार्तापछि आज विहान ९ बजेका लागि बैठक बोलाइएको महासचिव विष्णु पौडेलले जानकारी दिए ।
बजेटमा विवादीत मिलेनियम च्यालेन्ज कर्पोरेसन (एमसीसी) समावेश गरिएपछि छलफल गर्न लागिएको बुझिएको छ ।
यस्तै बैठकमा संविधान संशोधनको विषयमा पनि छलफल हुने छ । शुक्रबार सरकारले लिम्पियाधुरा, कालापानी र लिपुलेक क्षेत्र समेटिएको नक्सामा निसान छाप परिवर्तन गर्न संसद्मा संविधान संशोधन प्रस्ताव दर्ता गराएको थियो । file Photo
