जेठ १९,
रामेछाप । विश्वभर कोरोना भाइरस (कोभिड १९) बाट मृत्यु हुने व्यक्तिको संख्या ३ लाख ७४ हजार १ सय ५७ पुगेको छ । संक्रमितको संख्या ६२ लाख ७८ हजार ४ सय ५ पुगेको विश्व स्वास्थ्य संगठन (डब्लुएचओ) आफ्नो दैनिक विज्ञप्तिमा जानकारी दिएको छ ।
नेपाली समयानुसार सोमबार मध्यानसम्म प्राप्त समाचारअनुसार कोरोना भाइरसको कारण बिरामी भएका २८ लाख ५२ हजार ७६१ जना निको भएका छन् । विश्वभरीमा ३० लाख ५१ हजार ४८७ हाल कोरोना भाइरस सक्रमित उपचाररत रहेका छन् ।
हालसम्म कोरोना भाइरस संक्रमित ५३ हजार ४ सय ५ जनाको अवस्था गम्भीर रहेको जनाइएको छ । डब्लुएचओका अनुसार संयुक्त राज्य अमेरिकामा मात्र १८ लाख ३७ हजार १७० जनामा कोरोना भाइरस संक्रमण रहेको छ । यस प्रकोपको कारण अमेरिकामा १ लाख ६ हजार १ सय ९५ व्यक्तिको मृत्यु भएको छ ।
दक्षिणमा अमेरिकामा ८ लाख ७८ हजार ४७७ जना कोरोना भाइरस संक्रमति रहेका छन् । त्यहाँ ४० हजार १ सय ११ को मृत्यु भएको छ । युरोपमा २० लाख २९ हजार १ सय ८८ जना कोरोना भाइरस संक्रमित रहेका छन् भने १ लाख ७३ हजार ९ सय ३ को मृत्यु भएको छ ।
एसियामा ११ लाख ४१ हजार ९ सय ४५ जनामा कोरोना भाइरस संक्रमण रहेको छ भने, ३० हजार ८ सय ५९ जनाको मृत्यु भएको छ । अफ्रिकामा १ लाख ४८ हजार ९ सय ६४ जनामा कोरोना भाइरस संक्रमण रुहेको छ भने, ४ हजार २ सय ४५ जनाको मृत्यु भएको छ । File photo/ ऐजेन्सि
