जेठ २०,
काठमाडौं । विश्वभर ३ लाख ७५ हजार २ सय ८ जनाको कोरोना संक्रमणका कारण मृत्यु भएको छ । विश्वभर ६२ लाख ५९ हजार ८ सय ८७ जनामा कोरोना संक्रमण पुष्टि भएको छ । जोन हप्किन्स विश्वविद्यालयले प्रकाशित मंगलबार बिहानसम्मको तथ्यांक अनुसार संक्रमितको संख्या अमेरिकामा सर्वाधिक १८ लाख ९ हजार १ सय ९ छ ।
त्यस्तै, ब्राजिलमा ५ लाख २६ हजार ४ सय ४७, रुसमा ४ लाख १४ हजार ३ सय २८, बेलायतमा २ लाख ७७ हजार ७ सय २७, स्पेनमा २ लाख ३९ हजार ६ सय ३८, इटालीमा २ लाख ३३ हजार १ सय ९७ जनामा संक्रमण पुष्टि भएको छ।
मृत्यु हुनेको संख्या अमेरिकामा सर्वाधिक छ । त्यहाँ १ लाख ५ हजार ९९ जनाको मृत्यु भएको छ । त्यस्तै, बेलायतमा ३९ हजार १ सय २७, इटालीमा ३३ हजार ४ सय ७५, ब्राजिलमा २९ हजार ९ सय ३७ जनाको मृत्यु भइसकेको छ।
विश्वभर २६ हजार ९२ हजार ५ सय २८ जना संक्रमणमुक्त भएका छन् । संक्रमणमुक्त हुनेको संख्या अमेरिकामा सर्वाधिक ४ लाख ५८ हजार २ सय ३१ छ । त्यस्तै, ब्राजिलमा २ लाख ११ हजार ८०, रुसमा १ लाख ७५ हजार ५ सय १४, जर्मनीमा १ लाख ६५ हजार ६ सय ३२ जना संक्रमणमुक्त भएका छन्।
नेपालमा १८ सय ११ जनामा संक्रमण पुष्टि भएको छ। तीमध्ये ८ जनाको मृत्यु भएको छ भने २ सय २१ जना संक्रमणमुक्त भएका छन्। file Photo
