जेठ २०,
रामेछाप । रामेछापको मन्थली नगरपालिकाले क्वारेन्टिनमा बसेकाहरुलाइ योगा ब्याम दिन सुरु गरेको छ । मंगलबार बिहानदेखी योगा दिन सुरु गरेको नगरपालिका प्रमुख रमेश कुमार बस्नेतले जनता भ्वाइसलाई जानकारी दिए । उनका अनुसार भारत लगाएतका मुलुकबाट आएकाहरु कुल २० जना क्वारेन्टिनमा बसेका छन् । मन्थली माविमा बनाएको क्वारेन्टिनमा बसेका हुन । माबिमा ३० जना क्षमताको क्वारेन्टिनको ब्यवस्था गरिएको छ।
प्रमुख बस्नेतका अनुसार क्वारेन्टिनमा बस्नेहरुका लागि वाइफाई (Wi-fi), खाना, बस्न, निशुल्क ब्यवास्था गरिएको छ । उनीहरु विभिन्न समयमा मजदुरीका लागि भारतबाट फर्केका छन् । कोहीले ७ दिनको क्वारेन्टिन अवदी पुरा गरेका छन् भने कोहीले ९, १०, १२ दिन पुरा गरेकाहरु हरेको उनले बताए ।
उनीहरुमा त्यस्तो कुनै शंकास्पद नरहेको प्रमुख बस्नेतले बताए । फरक प्रसंगमा जनता भ्वाइससंग कुरा गर्दै बस्नेतले आफुहरुले हालसम्म कसैलाइ राहात वितरण नगरेको जानकारी दिए । १४ वटा मात्रै वडा रहेको नगरमा ९ हजार ५ सय ७४ जना घर परिवारले राहात पाउनु पर्ने भन्दै फारम भरेकाले अति बिपन्न परिवारलाइ करिब ६ लाख तत्कालको लागि पउलब्ध गरेको उनले बताए ।
यसरी थेग्नै नसक्ने गरी राहातको माग फारम आएकाले वितरण गर्नु पर्ने राहात वितरण गर्न नसकिएको मयर बस्नेतले बताए । कुल माग अनुसार कम्तिमा साँढे २ करोड रकम खर्च हुने आंकलन गरिएको छ । तत्कालको लागि नगरले राहात वितरणको कामलाइ स्थागितनै राखेको उनले बताए । हाल जिल्लामा १ सय २२ जना भातर लगाएतका मुलुकबाट आयर विभिन्न गाउँपालिका तथा नगरपालिकाको क्वारेन्टिन्मा बसेका छन् ।
