जेठ २१,
रामेछाप । नेपालमा भाेलि (बिहीबार) देखि वर्षा हुने मौसमविद्ले बताएका छन् । अरब सागरमा उत्पन्न भएको निसर्ग नामको चक्रवातको प्रभावले भोलिदेखी तीन दिनसम्म ठूलो पानी पर्ने सम्भावना रहेको मौसमविद् मञ्जु बासीले जानकारी दिइन् ।
दक्षिण–पूर्वी अरब सागरमा रहेको न्यून चापीय क्षेत्र उत्तरतर्फ सरिरहेको र यसको अप्रत्यक्ष प्रभावले नेपालमा पनि वर्षा र हिमपात हुन सक्ने मौसमविद् बासीले बताइन् ।
उनले भनीन् भारतमा चक्रवातको प्रभावले वर्षा सुरु भइसकेको छ, नयाँ चक्रवात विकास भइरहेको छ । दुई दिन भिषण आँधीबेहरी, वर्षा र चट्याङ पर्न सक्ने चेतावनी दिएको छ । फाइल फोटो
