जेठ २२,
रामेछाप । रामेछापमा हालसम्म करिब ९ सय जनाको कोरोना परीक्षण गरिएको छ । ८ सय ४८ जनाको आरडीटी र ५० जनाको पीसीआर प्रविधिबाट कोरोना परीक्षण गरिएको जिल्ला स्वाथ्य कार्यालय रामेछापका प्रमुख जितेन्द्र कुमार कर्णले जानकारी दिए । उनका अनुसार सबैको रिपार्ट नेगेटिभ आएको छ । जिल्लाबाट थप परीक्षणका लागी हालसम्म ५० जनाको स्वाब संकलन गरि काठमाडौं पठाइएकोमा सबै रिपोर्ट नेगेटिभ आएको छ ।
बुधबार गत शनिबार थप परीक्षणका लागि काठमाडौं पठाएको रिपोर्ट नेगेटिभ आए संगै हालसम्मको सबै रिपोर्ट आएको हो । केहीदिन अघि आइसोलेशनमा भर्ना भएकी मन्थली नगरपालिका वडा नं ७ की ३२ वर्षीया, ठेगाना नखुलेकी ४८ वर्षीया महिला र रामेछाप नगरपालिका वडा नं ८ का ७० वर्षक एक पुरुषको स्वाब पीसीआर परिक्षणका लागि राष्ट्रिय जनस्वास्थ्य प्रयोगशाला टेकुमा पठाइएको थियो । उनीहरु दुबैको रिपोर्ट नेगेटिभ आएको र डिस्चार्ज पनि गरेको जिल्ला अस्पताल रामेछापले विज्ञप्ति मार्फत जानकारी दिएको छ।
जिल्लामा गत वैशाख २ गते सोमबारबाट आरडीटी परीक्षण सुरु भएको थियो । नेपालमा कोरोना संक्रमितको संख्या २ हजार ३ सय १७ पुगेको छ ।
हिजो २ सय १ जनामा कोरोना पुष्टि भएको स्वास्थ्य मन्त्रालयको नियमित पत्रकार सम्मेलनमा मन्त्रालयका प्रवक्ता डा विकास देवकोटाले जानकारी दिएका थिए । तर आज गण्डकी प्रदेशमा थप १६ जना र छिमेकी जिल्ला सिन्धुलीमा १ जनामा कोरोना पुष्टि भएसंगै कुल संख्या थप भएर २३ सय १७ पुगेको हो । हालसम्म ९ जनाको कोरोनाका कारण नेपालमा ज्यान गएको छ । भने २ सय ७८ जनाले कोरोनालाइ जितेका छन् । ६५ जिल्लामा कोरोना फैलिएको छ। file Photo
