जेठ २५,
काठमाडौं । विश्वभर ६८ लाख ५५ हजार ८ सय ५८ जनामा कोरोना संक्रमण पुष्टि भएको छ। जोन हप्किन्स विश्वविद्यालयले प्रकाशित गरेको आइतबार बिहानसम्मको तथ्यांक अनुसार अमेरिकामा १९ लाख १९ हजार ४ सय ३० जनामा संक्रमण पुष्टि भएको छ।
त्यस्तै, ब्राजिलमा ६ लाख ४५ हजार ७ सय ७१, रुसमा ४ लाख ५८ हजार १ सय २, बेलायतमा २ लाख ८६ हजार २ सय ९४ जनामा संक्रमण पुष्टि भएको छ।
विश्वभर ३ लाख ९८ हजार ३ सय २१ जनाको कोरोना संक्रमणपछि मृत्यु भएको छ।
मृत्यु हुनेको संख्या पनि अमेरिकामा सर्वाधिक १ लाख ९ हजार ७ सय ९१ छ। त्यस्तै, बेलायतमा ४० हजार ५ सय ४८, ब्राजिलमा ३५ हजार २६, इटालीमा ३३ हजार ८ सय ४६, फ्रान्समा २९ हजार १ सय ४५ जनाको मृत्यु भएको छ।
विश्वभर ३० लाख ७१ हजार ४ सय ३ जना संक्रमणमुक्त भएका छन्। संक्रमणमुक्त हुनेमा अमेरिकामा ५ लाख ८ सय ४९, ब्राजिलमा २ लाख ६६ हजार ९ सय ४०, रुसमा २ लाख २० हजार ९ सय ३५, जर्मनीमा १ लाख ६८ हजार ९ सय ५८ जना संक्रमणमुक्त भएका छन्।
विश्वभरका २ सय १३ देश र क्षेत्र तथा २ वटा अन्तर्राष्ट्रिय जहाजमा कोरोना संक्रमण फैलिसकेको छ।
नेपालमा ३ हजार २ सय ७३ जनामा संक्रमण पुष्टि भएको छ।
प्रदेश १ मा २४९, प्रदेश २ मा १०७७, बागमती प्रदेशमा ९०, गण्डकी प्रदेशमा ७३, प्रदेश ५ मा १०६१, कर्णाली प्रदेशमा ५७९ र सुदूरपश्चिम प्रदेशमा १०६ जनामा संक्रमण पुष्टि भएको छ।
संक्रमण पुष्टि भएकामध्ये १३ जनाको मृत्यु भएको छ भने ३ सय ६५ जना संक्रमणमुक्त भएका छन्। फाइल फोटो/ ऐजेन्सि
