जेठ ३२,
गुल्मी । नेपालमा कोरोना संक्रमणबाट थप एक जनाको मृत्यु भएको छ । आइतबार गुल्मीमा एक जनाको मृत्यु भएको छ । गुल्मीको रेसुङ्गा नगरपालिका वडा नम्बर(९ स्थित उपल्लो तम्घासमा आइसोलेसनमा उपचाररत धुर्कोट गाउँपालिका वडा नम्बर ४ जैसिथोक निवासी ३६ वर्षीय पुरुषको गएराति मृत्यु भएको हो ।
स्वास्थ्य गम्भीर हुँदै गएपछि यसअघि उनको उपचारमा संलग्न स्वास्थ्यकर्मीले नै रगत दिएकी थिइन् । तर कोसिस गर्दागर्दै पनि उनलाई बचाउन नसकिएको उपचारमा खटिएका डा. कविराज भुसालले बताए । शवलाई राति नै उनकै जन्मस्थान नजिकै नेपाली सेनाले व्यवस्थापन गरेको प्रमुख जिल्ला अधिकारी भरतकुमार शर्माले बताए ।
भारतबाट आएर धुर्कोटको क्वारेन्टिनमा रहेका बेला जेठ १२ गते उनमा कोरोना संक्रमण पुष्टि भएको थियो । संक्रमण पुष्टि भएपछि उनले जेठ १३ गतेदेखि तम्घासमा रहेको आसोलेसनमा राखेर उपचार सुरु गरिएको थियो । उनी २ वर्षदेखि आन्द्राको क्यान्सरबाट पनि पीडित भएकाले उपचार कठिन भएको थियो । यो संगै नेपालमा कोरोना संक्रमणबाट मृत्यु हुेनेको संख्या १९ पुगेको छ । शनिबार मात्रै २ जनाको मृत्यु भएको थियो । आइतबार मृत्यु भएकाको भने मन्त्रालयले आधिकारी जानकारी दिएको छैन।file Photo
