जेठ ३२, प्रवीण मुनाल
ओखलढुङ्गा । परदेशबाट फर्किएका टारकेराबारीका युवाहरु गाँउको विकासमा सक्रिय हुन थालेका छन् । लक डाउनका बेला सहरबाट गाँउ फर्किएका युवायुवतीहरु स्वतस्फुर्त रुपमा गाँउको विकासमा लागेका हुन् ।
जिल्लाको लिखु गाँउपालिका–८ टारकेराबारीका युवाहरु समुहमा मिलेर बर्षायामका बेला सडकमा आउने भलबाढीको व्यवस्थापनका लागि सडकको ढल मर्मत र सडकको स्तरोन्नतीको काममा जुटेका छन् । स्थानीय युवा स्थानीय युवा कैलाश पौडेलको संयोजकत्वमा गाँउका ५० जना भन्दा बढी जना युवाहरु सडक मर्मतको काममा गरिरहेका छन् ।
बर्षायामका बेला विगतका बर्षमा सडक भएर बगेर आउने भेलबाढीले खेतिबालीमा ठुलो क्षति पु¥याउने गरेको, कतिपयको घर भित्रैसम्म बाढी पसेर क्षति हुने गरेको र सवारी आवगमनमा निकै समस्या हुने गरेकोले यो बर्ष त्यस्तो नहोस भन्ने उद्धेश्यले आफुहरु सडक मर्मत लगायतका काममा जुटेको स्थानीय युवा कैलाश पौडेलले बताउनु भएको छ । टारकेराबारीको रिङरोड वरिपरिको सडक मर्मत र वडा कार्यालयसम्म जाने बाटोको मर्मतको काममा करिब एक साता देखि आफुहरु निरन्तर लागिरहेको उहाँको भनाई छ ।
लकडाउनपछि सहरी क्षेत्रबाट गाउँमा पुगेका फुर्सदीला युवाहरु सडक निर्माण, स्तरोन्नति, लगायत विकास निर्माणका काममा जुटेका हुन् । अरुबेला खेलकुद लगायत अन्य काममा व्यस्त रहने युवाहरु लकडाउनका बेला गाँउको विकासमा सक्रिय भएका छन् । युवाहरुको कामको प्रोत्साहन गर्दै गाँउका समाजसेवीहरुले उनीहरुलाई खाजा खर्च स्वरुप केहि रकम सहयोग गरेका छन् ।
युवाहरु स्वतस्फुर्त रुपमा विकासको काममा जुटे पछि आफुहरुले उनीहरुलाई खुशीलागेर सहयोग गरेको समाजसेवी दुर्गाहरी पौडेलले बताउनुभयोे । यस्तै युवाहरुको काममा वडा कार्यालयले पनि सहयोग गरेको छ । युवाहरु विकासको काममा जुट्न थालेपछि उनीहरुलाई वडा कार्यालय खाजा खचर्का रुपमा केहि रहम सहयोग गरिएको वडा अध्यक्ष बिशाल कुमार पौडेलले बताउनु भएको छ । युवाहरु आफै सक्रिय भएर गाँउको बिकासमा लागेकोप्रति उहाँले युवाहरुलाई धन्यवाद दिनु भएको छ । file Photo
