जेठ ३२, जनता भ्वाइस संवादाता
रामेछापका युवा सन्तोष चौहानले लकडाउनको समयमा अलपत्र परेका २ सय जनालाई निशुल्क खाना वितरण गरेका छन् ।
समाजसेवी तथा अनेरास्ववियुका युवा नेता चौहानले पुल, सडक पेटी तथा गरिब बिपन्नलाई सहयोग स्वरुप खाना वितरण गरेका हुन् । चौहानले यो सहयोग काठमाडौंमा रहेका असाहयहरुलाई गरेका हुन् ।
जनता भ्वाइससँग कुराकानी गर्दै चौहानले आपूmले विशुद्ध सेवाभावका हिसावले यो सहयोग गरेको बताएका छन् । थप कुराकानीगर्दै चौहानले भने, ‘म जहिले पनि अरुको दुःख देख्नै सक्दिन । मेरो यही कोमलताले नै मलाई अरुको सेवामा सँधै लाग्न प्रेरित गरिरहन्छ । यस्तो संकटको अवस्थामा मैले काठमाडौंका सडक पेटीमा भएका असाहयलाई देख्नै सकिन र आफूले सकेको सहयोग गरेको हूँ ।’
उक्त खाना खुवाउने कार्यमा चौहानका साथी प्रदीप खड्काले समेत सहयोग गरेको चौहानको भनाई रहेको छ ।
