असार, ०३
नेपालगन्ज । नेपालमा कोरोना संक्रमणका कारण थप एक जनाको मृत्यु भएको छ । गत सोमबार साँझ साढे ६ बजे बाँकेमा कोरोनाका कारण एक जना महिलाको मृत्यु भएको हो ।
मृत्यु हुनेमा बाँके बैजनाथ गाउँपालिका वडा नं ६ की ४६ वर्षीय महिलाको उपचारको क्रमममा निधन भएको हो । उनको नेपालगञ्ज मेडिकल शिक्षण अस्पताल कोहलपुरको आइसीयुमा उपचारको क्रममा मृत्यु भएएको हो । उनको मृत्यु संगै नेपालमा कोरोनाबाट मृत्यु हुनेको संख्या २० पुगेको छ ।
उनको गत सोमबार साँझ साढे ६ बजे मृत्यु भएको जिल्ला स्वास्थ्य कार्यालय बाँकेका कोरोना फोकल पर्सन नरेशबाबु श्रेष्ठले जानकारी दिए । मृत्युपछि स्वाब संकलन गरि परीक्षण गर्दा ती महिलाको मंगलबार ८ बजेतिरको समयमा कोरोना रिपोर्ट पोजेटिभ आएको बताइएको छ । उनी गएको जेठ ३० गते उपचारका लागि अस्पताल भर्ना भएकी थिइन् ।
यसअघि पनि बाँके जिल्लामा गएको जेठ ४ गते नरैनापुर गाउँपालिका ५ का २५ वर्षका युवको कोरोनाबाट मृत्यु भएको थियो । यो संगै बाँकेका कोरोनाका कारण ज्यान गुमाउनेको संख्या २ पुगेको छ ।
हालसम्म कोरोना संक्रमणले सिन्धुपाल्चोक, बारा, ललितपुर, अर्घाखाँची, दैलेख, बाजुरा, दोलखा, पाल्पा, सुर्खेत, कैलाली, डोल्पा, स्याङ्जा, चितवन, अर्घाखाँची, विरगञ्ज र पर्सामा एक एक जनाको मृत्यु भएको छ ।
यता स्वास्थ्य मन्त्रालयले भने ती महिलाको मृत्युको आधिकारीक पुष्टि गर्न बाँकी छ ।
नेपालमा कोरोना संक्रमितको संख्या ६ हजार ५ सय ९१ पुगेको छ । file Photo
