असार ४
काठमाडौं । विद्यार्थीहरुले यतिका समय सम्म पनि त्रिभुवन विश्वविद्यालयले (त्रिवि)ले परीक्षाको नतिजा प्रकाशित नगरेको भन्दै गुनासो गरिरहेको बेला त्रिविले स्नातक तहको तीन संकायको परिक्षा नतिजा यसैहप्ता भित्र प्रकाशित गर्ने भएको छ ।
त्यसका लागि सबै तयारी भइसकेकाले यो हप्तामा विज्ञान, मानविकी र शिक्षा संकायको परीक्षाको परिणाम प्रकाशित हुने त्रिभुवन विश्वविद्यालयका परीक्षा नियन्त्रक पुष्पराज जोशीले जानकारी दिए ।
परीक्षा नियन्त्रक जोशीले लकडाउनले समयमा रिजल्ट प्रकाशित गर्न नसकेको बताउँदै उनले भने,‘लकडाउनले गर्दा समयमा रिजल्ट प्रकाशित गर्न सकेनौँ। अहिले सबै तयारी गरिसकेकाले विज्ञान,मानविकी र शिक्षा संकायको यो हप्ताभित्र प्रकाशित हुन्छ।’
स्नातक तहको बिबिएसको रिजल्ट भने जेठ ३२ गते नै प्रकाशित भइसकेको छ ।file Photo
