असार ०८,
ओखलढुंगा । ओखलढुंगामा जिल्लामा पहोलो पटक आइतबार कोरोना संक्रमित भेटिएको छ । भारतबाट जिल्ला फर्केका लिखु गाउँपालिका ३ का २८ वर्षीय युवामा कोरोना पुष्टि भएको हो । पिसिआर परीक्षण गर्दा हिजो उनमा पोजेटिभ देखिएको स्वास्थ्य कार्यालय रुम्जाटारका प्रमुख सुमन तिवारीले जनता भ्वाइसलाइ बताए ।
कोरोना पोजेटिभ देखिएका युवा सुरक्षित क्वारेन्टाइनमा रहेका र उनलाई (आज) सोमबार कोभिड अस्पताल विराटनगर पठाउने तयारी भइरहेको लिखु स्वास्थ्य शाखा प्रमुख दिनानाथ चौधरीले बताए ।
कोरोना संक्रमण देखिएका युवाको अवस्था सामान्य रहेको र हाल उनी स्वास्थ्यकर्मीको निगरानीमा छन् । ओखलढुंगामा हालसम्म १ सय ८ जनाको पिसिआर र ५ सय १३ जनाको आरडिटी परीक्षण भएको छ । पछिल्लो समय भारतको विभिन्न स्थानबाट ओखलढुंगा आएका ८५ जना क्वारेन्टाइनमा रहेका छन् । यो संगै कोरोना फैलिने जिल्लाको संख्या ७५ पुगेको छ । file Photo
