असार १०,
काठमाडौं । राष्ट्रपति विद्यादेवी भण्डारीले आज समसामियक विषयमा छलफल गर्न प्रधानमन्त्रीसहित शीर्ष नेताहरुलाई शितल निवास बोलाएकी छन् । आज साँझ ५ बजे प्रधानमन्त्री केपी शर्मा ओली, प्रतिनिधिसभाका सभामुख अग्नि सापकोटा, राष्ट्रियसभा अध्यक्ष गणेशप्रसाद तिमिल्सेना, नेकपा अध्यक्ष पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवालगायत शीर्ष नेताहरूलाई छलफलमा डाकेको राष्ट्रपति कार्यालयले जनाएको छ।
नेपाल कम्युनिष्ट पार्टी नेकपाले आज एमसिसीको विषयमा छलफल गर्न लागेको बेला राष्ट्रपति भण्डारीले समसामियक विषयमा छलफलका लागि सक्रियता देखाएकी हुन ।
राष्ट्रपति कार्यालयका अनुसार राष्ट्रपतिले चियापान सहितको छलफल र भेटघाट आयोजना गरेकी छन् । संविधान संशोधन विधेयक राष्ट्रिय एकतासहित पारित भएको उपलक्ष्यमा पनि राष्ट्रपतिले चियापान आयोजना गरेको राष्ट्रपति कार्यालय स्रोतको दाबी छ। file Photo
