असार १०,
रामेछाप । रामेछाप जिल्लाको रामेछाप नगरपालिकाले ६० करोड १५ लाख ११ हजार ४ सय ६० रुपैयाँको बजेट प्रस्तुत गरेको छ । उपप्रमुख सिर्जना खड्काले सो बजेट पेश गरेकी हुन् । चालु तर्फ नगरपालिकाले ८३ प्रतिशत प्रगति हासिल गरेको छ ।
नगरपालिकाले आंउदो आर्थिक बर्षमा कृषि र रोजगारीलाई प्राथमिकतामा राखेको छ । कोरोना भाइरस संक्रमणका कारण प्रभावित भएकाहरुलाई रोजगारको अवसर बढाउने भन्दै नगरपालिकाले कृषि र रोजगारलाई प्राथमिकतामा राखेको हो ।
उपप्रमुख खड्काले नीति तथा कार्यक्रममा कोभिड–१९ का कारण विदेश तथा स्वदेशमा जागिर गुमाएका तथा बेरोजगार युवालाई व्यावसायीक कृषि तथा पशुपालनमा प्रोत्साहन गर्न युवा स्वरोजगारका कार्यक्रम सञ्चालन गरिने उल्लेख छ ।
यसैगरी कोरोना रोकथाम, नियन्त्रण, प्रतिकार्य र उपचारलाई प्रभावकारी बनाउने योजनालाई प्राथमिकता दिईएको छ ।
यस्तै जेष्ठ नागरिक सम्मान कार्यक्रमलाई निरन्तरता दिने, कृषि र पशुपालनलाई व्यवसायिक बनाउने ,खेलकुद , लोक सेवा तयारी कक्षा सन्चालन, स्थानिय सन्चार माध्यमहरुको विकास र प्राथमिकता, होमस्टे सन्चालन, ठाउँठाउँमा पानी संकलन गर्नका लागी पोखरीहरु बनाउने लगायतका महत्वपुर्ण योजनाहरुलाई प्राथमिकता दिइएको छ । Photo Page NaPa
