असार १४,
काठमाडौं । नेपालमा कोरोना भाइरस संक्रमणलाइ जित्नेको संख्या ३ हजार नाघेको छ । वितेको २४ घण्टामा देशका विभिन्न अस्पतालबाट १ सय ७९ जना कोरोना संक्रमितका बिरामी निको भएर डिस्चार्ज भएका छन् ।
स्वास्थ्य तथा जनसंख्या मन्त्रालयको नियमित मिडिया ब्रिफ्रिङमा यस्तो जानकारी दिएको हो । मन्त्रालयका प्रवक्ता डाक्टर जागेश्वर गौतमले दिएको जानकारीअनुसार पछिल्लो २४ घण्टामा १ सय ६६ जना पुरुष र १३ जना महिला निको भएका हुन् ।
योसंगै नेपालमा कोरोना जित्नेको कुल संख्या तीन हजार १३ पुगेको छ । नेपालमा कोरोना संक्रमित दैनिक बढिरहेको अवस्थामा निको हुनेको संख्या पनि बढेको हो ।
नेपालमा हाल सम्ममा २८ जनाको कोरोनाका कारण मृत्यु भएको छ । यो कुल संक्रमितको एक प्रतिशत भन्दा पनि कम रहेको मन्त्रालयका प्रवक्ताले बताए । file Photo
