असार १५,
काठमाडौं । नेपाली कांग्रेसका प्रवक्ता विश्व प्रकाश शर्माले प्रधानमन्त्री केपी शर्मा ओलीलाई जनताले बिदादिए बिदालिनु पर्ने सुझाव दिएका छन् । सोमबार सामाजिक संजालमा लेख्दै उनले कोरोना भाइरस संक्रमण नियन्त्रण गर्न नसकेको टिप्पणी गर्दै जनताले नेत्रित्व परिवर्तन खोजेको बताए । उनले हालको नेत्रित्वको सरकारले कोरोना भाइरस संक्रमण नियन्त्रण गर्न नसकेको बताएका हुन । प्रवक्ता शर्माले कोरोना रोकथाम गर्नको लागि सहयोग गर्ने दातृ निकाय, सहयोगिहरुलाइ धन्यवादको पात्र भएकाले धन्यावद दिन प्रधानमन्त्रीलाइ सुझाव दिए ।
आइतबार प्रधानमन्त्री केपी शर्मा ओलीले लिम्पियाधुरा, महाकाली र लिपुलेकलाई समेटेर नेपालको नयाँ नक्सा जारी गरेकै कारण आफूलाई प्रधानमन्त्री पदबाट भारतले हटाउने खोजेको आरोप लगाएका थिए । साथै उनले भारतको यो खेलमा नेपालका नेताहरू पनि लागेको आरोप छ ।
मदन भण्डारीको ६९ औं जन्मजयन्तीको अवसरमा मदन भण्डारी फाउण्डेसनले आइतबार बालुवाटार गरेको कार्यक्रममा सत्तारूढ नेपाल कम्युनिस्ट पार्टी (नेकपा)का अध्यक्ष एवं प्रधानमन्त्री ओलीले हप्ता/१५ दिनमा प्रधानमन्त्री परिर्वतन हुन्छ भन्न थालिएको बताए थिए ।
साथै उहाँले भारतले हटाउन खोज्दैछ भन्नुको अर्थ नेकपाले स्पष्टिकरण दिनुपर्ने बताएका छन् । उनले प्रधानमन्त्री बनाउन र हटाउन नेकपासंग संसदमा रहेको बहुमतको संवैधानिक सार्वभौमिकता नेकपासंग छ कि छैन ? भनेर प्रश्न समेत गरेका छन् । यदि छ भने त्यसको प्रयोग गर्ने या नगर्ने जिम्मेवार विवेक उपर नेकपाको स्वतन्त्र हक के सुरक्षीत छैन ? भनेका छन् ।
उनको यस्तो धारणाले शोभा नदिएको शर्माको दिप्पणी छ । उनले प्रधानमन्त्रीलाई आफु राम्रो काम गर्न सुझाव दिदै छिमेकीलाई दोष नलगाउन समेत सुझाएका छन् । उनले आफुलाइ हटाउन लागे भनेर सार्वजनिक ठाँउमा रुवाबासी गर्नुले शोभा नदिएको बताएका हुन् ।
