असार १६
रामेछाप । रामेछापको खाँडादेवी गाउँपालिकामा क्वारेन्टिनमा बसेकाहरुले डिस्चार्ज भएका छन् । मंगलबार १४ दिन क्वारेन्टिन अवदी पुरा गरी कुनै कोरोनाका लक्षण विनानै १२ जना एकै पटक डिस्चार्ज गरिएको वडा नं ३ भिरपानीका वडा अध्यक्ष पुष्कर कुमार कार्कीले जनता भ्वाइसलाइ जानकारी दिए ।
उनीहरुको स्वाब संकलन गरि काठमाडौं पठाइएको र रिपोर्ट नेगेटिभ आएपछि डिस्चार्ज गरिएको हो । डिस्चार्ज हुनेमा २ बर्षीय बालिका र एक महिलासहित १२ जना छन् । अरु २० देखी ३२ वर्षाका पुरुष हुन ।
उनीहरु १० जना भिरपानीका छन् । एक जना वडा नं ९ पिङ्खुरिका छन् भने एक जना वडा नं ५ पकरवासका छन् । उनी भारतलगाएतका मुलुकबाट फर्केर भिरपानीस्थित प्रगतिशील माविमा बनाईएको क्वारेन्टिनमा बसेका थिए ।
