असार १७,
काठमाडौं । नेपाल कम्युनिष्ट पाटी (नेकपा) स्थायी समितिको पाचौं दिनको बैठक सुरुभएको छ । बैठक प्रधानमन्त्री निवास बालुवाटारमा सुरु हो । पार्टीभित्र चर्को विवाद देखिएको अवस्थामा आजको बैठकलाई महत्वका साथ हेरिएको छ । गत मंगलबारको बैठकमा बोल्ने १८ मध्ये अधिकांश स्थायी समिति सदस्यले ओलीको राजीनामा गरेका थिए ।
ओलीले विशेषगरी गएको आइतबार आफू नेतृत्वको सरकार ढाल्नको लागि भारत त नेपालका नेकपाकै नेता लागि परेको आरोप लगाएपछि विवादले उग्र रुप लिएको हो । यो विषयमा हिजोको बैठकमा चर्काचर्की बहस भएको थियो भने अध्यक्ष प्रचण्ड, वरिष्ठ नेता माधव कुमार नेपाल र झलनाथ खनाललगाएतले प्रधानमन्त्रीको राजीनामा माग गरेका थिए ।
पार्टीभित्रै चर्को विवाद हुन थालेपछि ओलीले आज बिहान उनीनिकट मन्त्री तथा नेताहरुसंग अनौपचारीक छलफल गरेका थिए । छलफलमा आन्तरिक विवाद सबैले मिलेर समाधान गर्नु पर्ने सहमति भएको पर्यटनमन्त्री योगेश भट्टराईले जानकारी दिए । लगतै ओली र प्रचण्डबीच छुट्टै वार्ता भएको भएपनि छलफलबाट के निष्कर्ष निस्कियो भन्ने जानकारी दिएको छैन । सुर्य थापाबाट फोटो
