असार २८
रामेछाप । रामेछाप जिल्लामा भाइरल ज्वारोका बिरामी बढेका छन् । बिगत केही दिन यता ज्वोरोका बिरामी बढेका हुन् । मौसममा आएको खराबीका कारण बिरामी बढेको हुन सक्ने तामाकोसी अस्पतालकी स्टाफ् नर्स सरिता श्रेष्ठ बताउनु उछिन् । विशेष गरि जिल्लाको मन्थली नगरपालिका, लिखु तामाकोसी गाउँपालिका, गोकुलगंगा गाउँपालिकाका स्थानीयहरुले जिल्लाको सदरमुकाम मन्थलीमा संचालित रामेछाप समुदायिक अस्पता, प्राथामिक स्वास्थ्य केन्द्र मन्थली र तामाकोसी अस्पतालमा भरिएका हुन् ।
अहिले यि प्रत्येक अस्पताहरुमा ६/७ जना ज्वारोका बिरामी भर्ना गरेरै बसेका छन् । उनीहरु ३/४ दिनको अस्पताल बसाइपछि निको भएर घर फर्किने गरेका छन् । कोरोना भाइरस संक्रमणले त्रासिन स्थानीयहरु ज्वारो फैलिन थालेपछि थप पीडित बनेका छन् । उनीहरु ज्वारोको भाइरसको संक्रमित हुनुमा गरिब, असन्तुलित भोजन, मानसिक तनाव, बेरोजगार लगाएत विभिन्न कारण रहेको डाक्टहरुको भनाई छ ।
अस्पतालमा ज्वोरोका बिरामी बढेपछि डाक्टहरु भने कोरोनाको उच्च जोखिममा परेको नर्स श्रेष्ठले गुनासो गरिन् । उनले भनिन्-कोरोनाको संक्रमणबाट हामी १०० प्रतिशत असुरक्षित छौं, बिरामी आउँछन्, नहेरौ भनेपनि हुदैन, को काहाँबाट आएका हुन्छ हामीलाई थाहा पनि हुन्न । पहिले चैत्र, बैशाखमा बिरामी पनि धेरै डराएका हुन्थ्य कति त उपचार गर्नै आउदैन थिए अहिले त्यो हटेको छ हाम्रो पनि डर कम भएको छ । खासै डर लाग्दैन आब त मनमा चाही केही खुल्दुली हुन्छ । मन्थलीमा कोरोना साचै फैलियो भने चै हामीलाई धेरै समस्या छ । गर्मी हुन्छ पीपीइ लगाएर बस्न सकिदैन । त्यसैले हामी धेरै असुरक्षित छौं । आत्मबल बढाएर काम गरि रहेका छौं पहिलेको भन्दा डर हरायो ।
त्यस्तै रामेछाप सामुदायिक अस्पतालका डा. तेजराम खत्रीले ज्वोरोका बिरामी बढेको बताउदै अस्पतालमा इर्मजेन्सी केसहरु धेरै आउने गरेको जनाकरी दिए । उनका अनुसार हात खुट्टा भाँचिएकाहरु पछिल्लो समय अस्पतालमा धेरै आउने गरेका छन् । उनीहरु काम गर्दा, मोटरसाइकल दुर्घटनामा परेकाहरु, रुखबाट लडेकाहरु धेरै पाइने गरेको छ ।
पछिल्ला दिनहरुमा आफूहरुलाई कोरोना भाइरस प्रतिको डर कम भएको उनको धारण छ ।file Photo
