असार २८
काठमाडौँ । आज फेरि नेपालमा दुई वटा सलहको झुण्ड भारतबाट भित्रिएको छ । सलह नेपाल भित्रिएको सूचना केन्द्रका प्रमुख एवं किट विज्ञ रामकृष्ण सुवेदीले पुष्टि गरे । उनले आज (आइतबार) बिहान ९ बजेको समयमा र दिउँसो पौने १ बजेको समयमा सलह नेपाल भित्रिएको बताए । उक्त सलहको झुण्ड धेरै ठूलो नभएको उनको भनाइ छ । त्यो सलहको झुण्ड करिब २ लाखको संख्यामा रहेको उनको दाबी छ ।
केहिबेर अघि दाङको राप्ती गाउँपालिकामा सलहको झुन्ड देखा परेको हो । यो झुण्ड भारतको बहराइच क्षेत्र हुँदै नेपाल प्रवेश गरेको केन्द्रले अनुमान गरेको छ । यसअघि सलह सूचना केन्द्रले भारतको राजस्थानबाट उत्तरपूर्वतर्फ हावा बहन थालेपछि सलहको झुन्ड नेपाल प्रवेश गर्ने अनुमान गरेको थियो ।
यसअघि पनि नेपाल आएका सलह मौसममा खराबी भएकाले निष्क्रिय भएका थिए ।फोटो मन्त्रालयको टुवीट्बाट
